ಸಿಎಂಗಾಗಿ ಜಿರೋ ಟ್ರಾಫಿಕ್ ... ಪರದಾಡಿದ 2 ಆಂಬ್ಯುಲೆನ್ಸ್​ಗಳು

ಜಿರೋ ಟ್ರಾಫಿಕ್ ಅನ್ನೋ ವ್ಯವಸ್ಥೆಯಿಂದಾಗಿ ಸಾರ್ವಜನಿಕರು ಎಷ್ಟು ಪರದಾಡಬೇಕಾಗುತ್ತದೆ ಎಂಬುದು ಮತ್ತೆ ಸಾಬೀತಾಗಿದೆ. ಇಂದು ಸಿಎಂಗಾಗಿ ಹುಬ್ಬಳ್ಳಿಯಲ್ಲಿ ಜಿರೋ ಟ್ರಾಫಿಕ್ ವ್ಯವಸ್ಥೆ ಮಾಡಲಾಗಿತ್ತು. ಈ ನಡುವೆ 2 ಆಂಬ್ಯುಲೆನ್ಸ್​ಗಳು ಟ್ರಾಫಿಕ್ ‌ಮಧ್ಯೆ ಸಿಲುಕಿ ಪರದಾಡಿವೆ.

ಹುಬ್ಬಳ್ಳಿ: ಮುಖ್ಯಮಂತ್ರಿ ಕುಮಾರಸ್ವಾಮಿಗಾಗಿ ಜಿರೋ ಟ್ರಾಫಿಕ್ ಮಾಡಿದ ಪರಿಣಾಮ ಎರಡು ಆಂಬ್ಯುಲೆನ್ಸ್​ಗಳು ಟ್ರಾಫಿಕ್ ‌ಮಧ್ಯೆ ಸಿಲುಕಿ ‌ಪರದಾಡಿದ ಘಟನೆ ವರೂರು ಬಳಿ ನಡೆಯಿತು.

ಕುಂದಗೋಳ ಉಪಚುನಾವಣೆ ಹಿನ್ನೆಲೆಯಲ್ಲಿ ಮೈತ್ರಿ ಅಭ್ಯರ್ಥಿ ಕುಸುಮ ಶಿವಳ್ಳಿ ಪರ ವರೂರು ಗ್ರಾಮದಲ್ಲಿ ಆಯೋಜಿಸಿದ್ದ ಬಹಿರಂಗ ಸಭೆ ಮುಗಿಸಿ ಹುಬ್ಬಳ್ಳಿಗೆ ಆಗಮಿಸುವಾಗ ಸಿಎಂಗೆ ಜಿರೋ ಟ್ರಾಫಿಕ್ ವ್ಯವಸ್ಥೆ ಮಾಡಿದ್ದರು.‌ ಸಿಎಂ ಜಿರೋ ಟ್ರಾಫಿಕ್ ಎಫೆಕ್ಟ್ ಆಂಬ್ಯುಲೆನ್ಸ್​ಗೆ ತಟ್ಟಿತ್ತು. ವರೂರು ಬಳಿ ಸುಮಾರು 20 ನಿಮಿಷ ಎರಡು 108 ಆಂಬ್ಯುಲೆನ್ಸ್​ಗಳು ರಸ್ತೆಯಲ್ಲಿ ಕಾಯುವಂತಾಯಿತು. ಇದರಿಂದಾಗಿ ಸಾರ್ವಜನಿಕರು ಹಾಗೂ ಆಂಬ್ಯುಲೆನ್ಸ್​​ನಲ್ಲಿರುವ ರೋಗಿಗಳು ಪರದಾಡುವಂತಾಯಿತು.