ಹುಬ್ಬಳ್ಳಿ:ನಾಳೆಯಿಂದ ಫೆಬ್ರವರಿ 3 ರವರೆಗೆ ನಗರದ ರೈಲು ಮೈದಾನದಲ್ಲಿ ಯೋಗ ಚಿಕಿತ್ಸೆ ಹಾಗೂ ಬೃಹತ್ ಯೋಗ ಶಿಬಿರ ಹಮ್ಮಿಕೊಳ್ಳಲಾಗಿದೆ. ಈ ಕುರಿತು ಮಾಹಿತಿ ನಿಡಿದ ಯೋಗ ಗುರು ಬಾಬಾ ರಾಮದೇವ, ಯೋಗ ಜೀವನದ ಅವಿಭಾಜ್ಯ ಅಂಗವಾಗಿದ್ದು, ಯೋಗ ಮಾಡುವುದರಿಂದ ಮಾರಕ ರೋಗಗಳಿಂದ ಮುಕ್ತಿ ಹೊಂದಬಹುದು. ವೈಚಾರಿಕ ಹಾಗೂ ದೈಹಿಕ ದಾರಿದ್ರ್ಯವನ್ನು ದೂರಮಾಡಲು ಯೋಗ ಸಹಾಯಕ ಎಂದರು.
ಯೋಗ ಪ್ರತಿಯೊಂದು ರೋಗದಿಂದ ಮುಕ್ತಿ ಹೊಂದಲು ಸೂಕ್ತವಾದ ಮಾರ್ಗವಾಗಿದ್ದು, ಯೋಗಕ್ಕೆ ಯಾವುದೇ ಜಾತಿ ಮತ ಭೇದವಿಲ್ಲ. ಪ್ರತಿಯೊಬ್ಬರು ಕೂಡ ಯೋಗವನ್ನು ಮಾಡುವ ಮೂಲಕ ರೋಗ ಮುಕ್ತ ಜೀವನ ನಡೆಸಬಹುದು ಎಂದರು.12 ವರ್ಷಗಳ ಹಿಂದೆ ಯೋಗ ಶಿಬಿರ ಮಾಡಲು ಹೇಳಿದ್ದೆ, ಆದರೆ ಈಗ ಅದಕ್ಕೆ ಕಾಲ ಕೂಡಿ ಬಂದಿದೆ. ಯೋಗದಿಂದ ರಕ್ತದೊತ್ತಡ ಕಡಿಮೆ ಆಗುತ್ತದೆ ಹಾಗೂ ರೋಗ ಮುಕ್ತ ಜೀವನಕ್ಕೆ ಇದೊಂದು ದೊಡ್ಡ ವರದಾನವಾಗಿದೆ ಎಂದರು. ಜನರನ್ನು ರೋಗ ಮುಕ್ತ ಮಾಡಲು ನಾವು ಬಂದಿದ್ದೇವೆ. ಯೋಗದ ಮೂಲಕ ಜನರಿಗೆ ಉಚಿತ ಆರೋಗ್ಯ ನೀಡುತ್ತೇವೆ ಎಂದರು.
ಹುಬ್ಬಳ್ಳಿಯಲ್ಲಿ ಯೋಗಗುರು ಬಾಬಾ ರಾಮದೇವ ಸುದ್ದಿಗೋಷ್ಠಿ