ಪುಟ್ಟ ಪೋರಿಯ ವಿಶಿಷ್ಟ ಸ್ಕೇಟಿಂಗ್ ಕೌಶಲ! ಹುಬ್ಬಳ್ಳಿಯಲ್ಲಿ ಈಕೆಯದ್ದೇ 'ಸ್ತುತಿ'!

ದೇಶದಲ್ಲೇ ಮೊದಲ ಬಾರಿಗೆ ಮೂರು ರಿಂಗ್ ಬಳಸಿ ಸ್ಕೇಟಿಂಗ್ ಮಾಡುವ ಮೂಲಕ ಇಲ್ಲಿನ ಪೋರಿಯೊಬ್ಬಳು ದಾಖಲೆ ನಿರ್ಮಿಸಿದ್ದಾಳೆ.

ಹುಬ್ಬಳ್ಳಿ :ಇಲ್ಲಿನಬಾಲ ಪ್ರತಿಭೆಯೊಬ್ಬಳು ವಿಶಿಷ್ಟವಾಗಿ ಸ್ಕೇಟಿಂಗ್ ಮಾಡುವ ಮೂಲಕ ಗಮನ ಸೆಳೆದಿದ್ದಾಳೆ. 9 ವರ್ಷದ ಸ್ತುತಿ ಕುಲಕರ್ಣಿ ಎಂಬ ಬಾಲಕಿಯ ಸ್ಕೇಟಿಂಗ್ ಚಾತುರ್ಯ ನೋಡಿದವರು ಶಹಬಾಸ್‌ ಎನ್ನುತ್ತಿದ್ದಾರೆ.

ಭಾರತದಲ್ಲಿಯೇ ಮೊದಲ ಬಾರಿಗೆ ಮೂರು ರಿಂಗ್ ಬಳಸಿ ಸ್ಕೇಟಿಂಗ್ ಮಾಡುವ ಮೂಲಕಸ್ತುತಿ ಕುಲಕರ್ಣಿ ದಾಖಲೆ ನಿರ್ಮಿಸಿದ್ದಾಳೆ.

ಹುಬ್ಬಳ್ಳಿಯ ಪರಿವರ್ತನಾ ಗುರುಕುಲ ಶಾಲೆಯಲ್ಲಿ 4 ನೇ ತರಗತಿ ಓದುತ್ತಿರುವ ಸ್ತುತಿ, ಕಿಶೋರ್ ಕುಲಕರ್ಣಿ ಹಾಗೂ ರಶ್ಮಿ ಕುಲಕರ್ಣಿ ಅವರ ಸುಪುತ್ರಿ. ಈ ಬಾಲಕಿ ಪ್ರದರ್ಶಿಸುವ ಈ ರೀತಿಯ ವಿಶೇಷ ಸ್ಕೇಟಿಂಗ್‌ ಈಗಾಗಲೇ ಏಷ್ಯಾ ಬುಕ್ ಆಫ್ ರೆಕಾರ್ಡ್, ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಹಾಗೂ ಗೋಲ್ಡನ್ ಬುಕ್ ರೆಕಾರ್ಡ್ ಸೇರಿದೆ. 28 ಸೆಕೆಂಡುಗಳಲ್ಲಿ ಮೂರು ರಿಂಗುಗಳನ್ನು ಸೊಂಟದಲ್ಲಿ ತಿರುಗಿಸುತ್ತಾ ಸ್ಕೇಟಿಂಗ್ ಮಾಡಿ ಈಕೆ ದಾಖಲೆ ನಿರ್ಮಿಸಿದ್ದಾಳೆ.