ಅನಗತ್ಯವಾಗಿ ಓಡಾಡುವವರ ವಾಹನ ಸೀಜ್: ಧಾರವಾಡ ಪೊಲೀಸರ ಕಠಿಣ ಕ್ರಮ

ಧಾರವಾಡ ಜಿಲ್ಲಾ ಪೊಲೀಸರು ಕಾರ್ಯಾಚರಣೆ ನಡೆಸಿ, ಅನಗತ್ಯವಾಗಿ ಓಡಾಡುತ್ತಿದ್ದವರ ವಾಹನ ಸೀಜ್ ಮಾಡಿದ್ದಾರೆ.

ಧಾರವಾಡ: ಕೊರೊನಾ ನಿಯಂಯ್ರಣಕ್ಕೆ ಜಿಲ್ಲಾದ್ಯಂತ ಲಾಕ್​ಡೌನ್ ಜಾರಿಯಲ್ಲಿದೆ. ಈ‌ ಮಧ್ಯೆ ಅನಗತ್ಯವಾಗಿ ಓಡಾಡುವ ಜನರಿಗೆ ಪೊಲೀಸರು ಬಿಸಿ ಮುಟ್ಟಿಸಿದ್ದು, ಅನಗತ್ಯವಾಗಿ ಓಡಾಡುತ್ತಿದ್ದವರ ವಾಹನ ಸೀಜ್ ಮಾಡಿದ್ದಾರೆ.

ಇದುವರೆಗೂ 265 ವಾಹನ ಸೀಜ್‌ ಮಾಡಿ 26,500 ರೂ. ದಂಡ ವಸೂಲಿ‌‌ ಮಾಡಲಾಗಿದೆ. ಮಾಸ್ಕ್ ಧರಿಸದ 385 ಜನರ ವಿರುದ್ಧ ಕೇಸ್ ದಾಖಲಿಸಿಕೊಂಡು 38,700 ದಂಡ ವಸೂಲಿ ಮಾಡಲಾಗಿದೆ. ಜಿಲ್ಲೆಯ ಗ್ರಾಮೀಣ ಭಾಗದ 7 ಚೆಕ್ ಪೋಸ್ಟ್​ಗಳಲ್ಲಿ ಕಾರ್ಯಾಚರಣೆ ನಡೆಸಿ ದಂಡ ವಸೂಲಿ ಮಾಡಲಾಗಿದೆ.