8 ಮನೆಗಳಿಗೆ ಹೊರಗಿನಿಂದ ಬೀಗ ಜಡಿದು ಪರಾರಿಯಾದ ಕಿಡಿಗೇಡಿಗಳು : ಆತಂಕಗೊಂಡ ಮಾಲೀಕರು

ಹೊರಗಡೆಯಿಂದ ಬೀಗ ಹಾಕಿರುವುದನ್ನು ಕಂಡು ಕೆಲಕಾಲ ಮನೆ ಮಾಲೀಕರು ಆತಂಕಗೊಂಡಿದ್ದರು. ಬಳಿಕ ಹೊರಗಡೆ ಜನರಿಗೆ ಮಾಹಿತಿ ತಿಳಿಸಿದಾಗ ಅವರು ಬಂದು ಬೀಗ ತೆಗೆದಿದ್ದಾರೆ. ಧಾರವಾಡ ಉಪನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ..

ಧಾರವಾಡ: ಜನರು‌ ಮನೆಯೊಳಗೆ ಇದ್ದಾಗಲೇ ಯಾರೋ ಕಿಡಿಗೇಡಿಗಳು ಹೊರಗಿನಿಂದ ಬೀಗ ಹಾಕಿ ಪರಾರಿಯಾದ ಘಟನೆ ಧಾರವಾಡದ ಆಕಾಶವಾಣಿ ಸಿಬ್ಬಂದಿ‌‌ ಕಾಲೋನಿಯಲ್ಲಿ ನಡೆದಿದೆ.

ಧಾರವಾಡ ಕೆಸಿಡಿ ಕಾಲೇಜ್ ಬಳಿ ಇರುವ ಆಕಾಶವಾಣಿ ಸಿಬ್ಬಂದಿ‌‌ ಕಾಲೋನಿಯಲ್ಲಿ ‌ಮನೆ ಮಾಲೀಕರು ಒಳಗಡೆ ಮಲಗಿದ್ದಾಗ ಹೊರಗಡೆಯಿಂದ ಯಾರೋ ಬೀಗ ಹಾಕಿಕೊಂಡು ಹೋಗಿದ್ದಾರೆ. ಸುಮಾರು 8 ಮನೆಗಳಿಗೆ ಬೀಗ ಜಡಿದಿದ್ದು, ಕಳ್ಳತನ ಮಾಡಲು ಬಂದು ಹೀಗೆ ಮಾಡಿರಬಹುದು ಎಂಬ ಶಂಕೆ ವ್ಯಕ್ತವಾಗಿದೆ.

ಹೊರಗಡೆಯಿಂದ ಬೀಗ ಹಾಕಿರುವುದನ್ನು ಕಂಡು ಕೆಲಕಾಲ ಮನೆ ಮಾಲೀಕರು ಆತಂಕಗೊಂಡಿದ್ದರು. ಬಳಿಕ ಹೊರಗಡೆ ಜನರಿಗೆ ಮಾಹಿತಿ ತಿಳಿಸಿದಾಗ ಅವರು ಬಂದು ಬೀಗ ತೆಗೆದಿದ್ದಾರೆ. ಧಾರವಾಡ ಉಪನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ