ಧಾರವಾಡ: ಕಾಲೇಜು ಜೀವನವೇ ಒಂದು ಸಂಭ್ರಮ. ಆ ದಿನಗಳಲ್ಲಿ ಏನೇ ಮಾಡಿದರೂ ಅದು ಚೆಂದವಾಗಿರುತ್ತೆ. ಜೀವನ ಪೂರ್ತಿ ಆ ದಿನಗಳು ನೆನಪಿನಲ್ಲಿ ಉಳಿಯುತ್ತವೆ. ಹೀಗಾಗಿ ವಿದ್ಯಾರ್ಥಿಗಳು ಏನಾದರೂ ನೆನಪಿನಲ್ಲಿ ಉಳಿಯುವಂಥ ಚಟುವಟಿಕೆ ಮಾಡಬೇಕು ಎಂಬ ನಿರೀಕ್ಷೆಯಲ್ಲಿ ಸದಾ ಇರುತ್ತಾರೆ. ಹೀಗಾಗಿ ಧಾರವಾಡದ ಕಾಲೇಜೊಂದರಲ್ಲಿ ಇವತ್ತು ಸಂಭ್ರಮದ ವಾತಾವರಣವನ್ನೇ ನಿರ್ಮಾಣ ಮಾಡಿದ್ದರು.
ನಗರದ ಛತ್ರಪತಿ ಶಿವಾಜಿ ಪದವಿ ಕಾಲೇಜಿನಲ್ಲಿ ವಿದ್ಯಾರ್ಥಿ-ವಿದ್ಯಾರ್ಥಿನಿಯರು ಬಂದಿದ್ದು ಬೈಕ್, ಸೈಕಲ್ ಅಥವಾ ಬಸ್ಸಿನಲ್ಲಿ ಅಲ್ಲ. ಬದಲಿಗೆ ಅವರೆಲ್ಲಾ ಬಂದಿದ್ದು ಸಿಂಗರಿಸಿದ ಚಕ್ಕಡಿಯಲ್ಲಿ. ಸಾಂಪ್ರದಾಯಿಕ ದಿನದ ಹಿನ್ನೆಲೆಯಲ್ಲಿ ಡಿಫರೆಂಟ್ ಆಗಿ ಕಾಲೇಜಿಗೆ ಎಂಟ್ರಿ ಕೊಟ್ಟ ವಿದ್ಯಾರ್ಥಿಗಳು, ಇಡೀ ದಿನ ಕಾಲೇಜಿನಲ್ಲಿ ಎಂಜಾಯ್ ಮಾಡಿದರು.
ಧಾರವಾಡದ ಛತ್ರಪತಿ ಶಿವಾಜಿ ಪದವಿ ಕಾಲೇಜಿನಲ್ಲಿ ಸಾಂಪ್ರದಾಯಿಕ ದಿನವನ್ನ ಆಚರಣೆ ಮಾಡಲಾಯಿತು