ಮಾಸ್ಕ್​​​​ ಧರಿಸದ ಮಹಿಳಾ ಅಧಿಕಾರಿಗೆ ತರಾಟೆ ತೆಗೆದುಕೊಂಡ ಕೇಂದ್ರ ಸಚಿವ

ಮಾಸ್ಕ್​​ ಹಾಕಿಕೊಳ್ಳದೆ ಸಭೆಗೆ ಬಂದಿದ್ದ ವಿಶೇಷ ಭೂ ಸ್ವಾಧೀನಾಧಿಕಾರಿಗೆ ಕೇಂದ್ರ ಸಚಿವ ಕೇಂದ್ರ ಸಚಿವ ಪ್ರಹ್ಲಾದ್​ ಜೋಶಿ ತರಾಟೆ ತೆಗೆದುಕೊಂಡರು.

ಧಾರವಾಡ: ಮಾಸ್ಕ್​​​ ಧರಿಸದೆ ಸಭೆಗೆ ಆಗಮಿಸಿದ್ದ ಮಹಿಳಾ ಅಧಿಕಾರಿಗೆ ಕೇಂದ್ರ ಸಚಿವ ಪ್ರಹ್ಲಾದ್​​ ಜೋಶಿ ತರಾಟೆ ತೆಗೆದುಕೊಂಡರು. ಜಿಲ್ಲಾಧಿಕಾರಿ ಕಚೇರಿಯ ಸಭಾಂಗಣದಲ್ಲಿ ನಡೆದ ಸಭೆಗೂ ಮೊದಲೇ ಎಲ್ಲಾ ಅಧಿಕಾರಿಗಳು ಮಾಸ್ಕ್​​​ ಹಾಕಿಕೊಳ್ಳುವಂತೆ ಸೂಚಿಸಿದ್ದರು.

ಮಾಸ್ಕ್ ಇಲ್ಲದೇ ಕುಳಿತಿದ್ದೀರಿ, ಹೊರಗೆ ಹೋಗಿ ಬಿಡಿ. ಮಾಸ್ಕ್​​​ ಇಲ್ಲವಾದಲ್ಲಿ ಹೊರಗೆ ಹೋಗಿ ಎಂದು ವಿಶೇಷ ಭೂ ಸ್ವಾಧೀನಾಧಿಕಾರಿ ಶಾರದಾ ಕೋಲ್ಕಾರ ಅವರಿಗೆ ಕೇಂದ್ರ ಸಚಿವ ಜೋಶಿ ಕ್ಲಾಸ್​ ತೆಗೆದುಕೊಂಡರು. ಸಚಿವರು ತರಾಟೆ ತೆಗೆದುಕೊಳ್ಳುತ್ತಿದ್ದಂತೆ ಶಾರದಾ ಅವರು ಮಾಸ್ಕ್​​​ ಹಾಕಿಕೊಂಡು ಸಭೆಯಲ್ಲಿ ಕುಳಿತರು.