ಹುಬ್ಬಳ್ಳಿ:ಸಾಮಾನ್ಯವಾಗಿ ಮೊದಲ ಬಾರಿಗೆ ಗರ್ಭವತಿಯಾದ ಮಹಿಳೆಯರಿಗೆ ಸೀಮಂತ ಕಾರ್ಯಕ್ರಮ ಮಾಡುವುದನ್ನು ಕೇಳಿದ್ದೇವೆ, ನೋಡಿದ್ದೇವೆ. ಆದರೆ ಇಲ್ಲೊಂದು ಕುಟುಂಬದವರು ಮನೆಯಲ್ಲಿದ್ದ ತಮ್ಮ ಶ್ವಾನಕ್ಕೆ ಸೀಮಂತ ಕಾರ್ಯಕ್ರಮ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ.
ಗರ್ಭಿಣಿ ಶ್ವಾನಕ್ಕೆ ಅದ್ದೂರಿಯಾಗಿ ಸೀಮಂತ ಮಾಡಿದ ಹುಬ್ಬಳ್ಳಿ ಕುಟುಂಬ... - ಸಾರಿಗೆ ನೌಕರ ರಮೇಶ ಪಡತೇರ ಅವರ ಪುತ್ರ ಪೃಥ್ವಿರಾಜ
ಸಾರಿಗೆ ನೌಕರ ರಮೇಶ ಪಡತೇರ ಅವರ ಪುತ್ರ ಪೃಥ್ವಿರಾಜ ಪಡತೇರ ಮತ್ತು ಕುಟುಂಬದವರು ಅದ್ದೂರಿಯಾಗಿ ಶ್ವಾನಕ್ಕೆ ಸೀಮಂತ ಕಾರ್ಯಕ್ರಮ ಮಾಡಿದರು. ಬಳೆ ಹಾಕಿ, ಸೀರೆ ಉಡಿಸಿ, ಹೂವಿನ ಮಾಲೆಯನ್ನು ಹಾಕಿ, ಮೊದಲ ಬಾರಿಗೆ ಗರ್ಭವತಿಯಾದ ಶ್ವಾನಕ್ಕೆ ಸೀಮಂತ ಕಾರ್ಯಕ್ರಮ ಮಾಡಿ ಬಡಾವಣೆಯ ಜನ ಮತ್ತು ಪಡತೇರ ಕುಟುಂಬದವರು ಖುಷಿಪಟ್ಟರು.
ಗರ್ಭಿಣಿಯಾದ ಶ್ವಾನಕ್ಕೆ ಅದ್ದೂರಿಯಾಗಿ ಸೀಮಂತ
ಕುಂದಗೋಳ ತಾಲೂಕಿನ ಸಂಶಿ ಗ್ರಾಮದಲ್ಲಿ ಇಂತಹ ವಿಶೇಷ ಕಾರ್ಯಕ್ರಮ ನಡೆದಿದೆ. ಗ್ರಾಮದ ಸಾರಿಗೆ ನೌಕರ ರಮೇಶ ಪಡತೇರ ಎಂಬುವರು ತಮ್ಮ ಮನೆಗೆ ಕಳೆದ ವರ್ಷ ಶ್ವಾನವೊಂದನ್ನು ತಗೆದುಕೊಂಡು ಬಂದಿದ್ದರು. ಅದಕ್ಕೆ ಲೂಸಿ ಎಂದು ನಾಮಕರಣ ಮಾಡಿದ್ದರು. ನಂತರ ಅದು ಈಗ ಗರ್ಭ ಧರಿಸಿದ್ದು, ಹೀಗಾಗಿ ಮನೆಯಲ್ಲಿ ಗರ್ಭಿಣಿ ಮಹಿಳೆಯರಿಗೆ ಮಾಡುವಂತೆ ನಾಯಿಗೂ ಸೀಮಂತ ಮಾಡಲಾಯಿತು.
ಸಾರಿಗೆ ನೌಕರ ರಮೇಶ ಪಡತೇರ ಅವರ ಪುತ್ರ ಪೃಥ್ವಿರಾಜ ಪಡತೇರ ಮತ್ತು ಕುಟುಂಬದವರು ಅದ್ದೂರಿಯಾಗಿ ಶ್ವಾನಕ್ಕೆ ಸೀಮಂತ ಕಾರ್ಯಕ್ರಮ ಮಾಡಿದರು. ಬಳೆ ಹಾಕಿ, ಸೀರೆ ಉಡಿಸಿ, ಹೂವಿನ ಮಾಲೆ ಹಾಕಿ, ಮೊದಲ ಬಾರಿಗೆ ಗರ್ಭವತಿಯಾದ ಶ್ವಾನಕ್ಕೆ ಸೀಮಂತ ಕಾರ್ಯಕ್ರಮ ಮಾಡಿ ಬಡಾವಣೆಯ ಜನ ಮತ್ತು ಪಡತೇರ ಕುಟುಂಬದವರು ಖುಷಿಪಟ್ಟರು.