ಹುಬ್ಬಳ್ಳಿ: ನಮ್ಮ ಜನ ಎಲ್ಲೆಲ್ಲೋ ಟೈಮ್ ಪಾಸ್ ಮಾಡ್ತಾರ. ತಾಸುಗಟ್ಟಲೇ ರೈಲೊಳಗೆ ಕುತ್ಕೊಂಡು ಪ್ರಯಾಣ ಬೆಳೆಸ್ತಾರ. ಆದ್ರೆ ರೈಲ್ವೆ ಫ್ಲಾಟಫಾರಂ ದಾಟಲು ತಮ್ಮ ಅಮೂಲ್ಯ ಜೀವನವನ್ನೇ ಪಣಕ್ಕಿಡೊ ಈ ದೃಶ್ಯಗಳು ಅಪಾಯಕ್ಕೆ ಆಹ್ವಾನ ನೀಡೋ ಹಂಗ ಕಾಣ್ತದ ನೋಡ್ರಿ.
ರೈಲಿನ ಹಾರನ್ಗೂ ತಲೆಕೆಡೆಸಿಕೊಳ್ಳದೇ ಫ್ಲಾಟಫಾರಂ ಇಳಿದು ಹಳಿ ದಾಟುವ ದುಸ್ಸಾಹಸ!
ಹೌದು, ವಾಣಿಜ್ಯನಗರಿ ಹುಬ್ಬಳ್ಳಿಯ ನೈಋತ್ಯ ರೈಲ್ವೆ ನಿಲ್ದಾಣದಲ್ಲಿ ಪ್ರಯಾಣಿಕರು ಅವಸರದಲ್ಲಿ ಅವೈಜ್ಞಾನಿಕ ಮಾರ್ಗವನ್ನು ಬಳಸುವ ಮೂಲಕ ತಮ್ಮ ಜೀವಕ್ಕೆ ತಾವೇ ಸಂಚಕಾರ ತಂದುಕೊಳ್ಳುತ್ತಿದ್ದಾರೆ.ಕೈಯಲ್ಲಿ ಎರಡು ಚೀಲ, ಮಕ್ಕಳು ಇಷ್ಟೆಲ್ಲ ಇದ್ದರೂ ಕೂಡ ರೈಲು ಬರೋದನ್ನೂ ಸಹ ಗಮನಿಸದೇ ಫ್ಲಾಟಫಾರಂ ದಾಟುವ ಹುಚ್ಚು ಸಾಹಸ ಮಾಡ್ತಿದ್ದಾರೆ. ಟ್ರೈನ್ ಹಾರ್ನ್ ಮಾಡುತ್ತಿದ್ದರೂ ಕೂಡ ಹಳಿಯಿಂದ ಹಳಿ ದಾಟಲಿಕ್ಕೆ ಮುಂದಾಗುತ್ತಿರುವುದು ವಿಪರ್ಯಾಸ ಅನಿಸ್ತದ.