ಮಲೆನಾಡಿನ ಪ್ರಸಿದ್ಧ ನೀರಾ ಇನ್ಮುಂದೆ ಧಾರವಾಡದಲ್ಲಿ ಲಭ್ಯ! ​

ಮಲೆನಾಡಿನ ಪ್ರಸಿದ್ಧ ನೀರಾ ಇನ್ಮುಂದೆ ಧಾರವಾಡದಲ್ಲಿ ಲಭ್ಯವಾಗಲಿದ್ದು, ಉತ್ತರ ಕರ್ನಾಟಕದ ಮೊದಲ ನೀರಾ ಪಾರ್ಲರ್​ ಇದಾಗಲಿದೆ. ​

ಧಾರವಾಡ: ಮಲೆನಾಡಿನ ಪ್ರಸಿದ್ಧ ನೀರಾ ಈಗ ಉತ್ತರ ಕರ್ನಾಟಕದಲ್ಲಿ ಲಭ್ಯವಾಗಲಿದ್ದು, ‌ಮೊದಲ ನೀರಾ ಪಾರ್ಲರ್ ನಗರದಲ್ಲಿ ಸಪ್ಟೆಂಬರ್ 20ರಂದು ಆರಂಭಗೊಳ್ಳುತ್ತಿದೆ.

ಮಲೆನಾಡು ನಟ್ಸ್ ಅಂಡ್ ಸ್ಪೈಸೆಸ್ ರೈತ ಉತ್ಪಾದಕರ ಸಂಸ್ಥೆಯ ಅಧ್ಯಕ್ಷ ಹಾಗೂ ಮಾಜಿ ಶಾಸಕ‌ ಮನೋಹರ ಮಸ್ಕಿ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಉತ್ತರ ಕರ್ನಾಟಕ ಜನರಿಗೆ ನಿಸರ್ಗದತ್ತವಾಗಿರುವ ಪರಿಶುದ್ಧ ನೀರಾವನ್ನು ಪೂರೈಸಲು ನಾವು ಸಿದ್ಧವಾಗಿದ್ದು, ತಹಶೀಲ್ದಾರ್​ ಕಚೇರಿ ಎದುರಿನ ಪಾಲಿಕೆ ಕಾಂಪ್ಲೆಕ್ಸ್​ನಲ್ಲಿ ಸುಪ್ರೀಂ ಹೆಸರಿನ ನೀರಾ ಪಾರ್ಲರ್​ಅನ್ನು ಶಾಸಕ ಅರವಿಂದ ಬೆಲ್ಲದ ಉದ್ಘಾಟಿಸಲಿದ್ದಾರೆ.

ನಿತ್ಯ ಮಲೆನಾಡಿನಿಂದ ನೇರವಾಗಿ ನೀರಾ ನಗರಕ್ಕೆ ಬರಲಿದ್ದು, ಯಾವುದೇ ಪ್ರತೀಕೂಲ ಪರಿಣಾಮ ಆಗದಂತೆ ವಿತರಣೆ ಮಾಡಲಾಗುವುದು ಎಂದು ಮಾಹಿತಿ ನೀಡಿದರು.