ಕವಿವಿ ಘಟಿಕೋತ್ಸವ.. 9 ಬಂಗಾರದ ಪದಕಕ್ಕೆ ಮುತ್ತಿಕ್ಕಿದ ರೈತನ ಮಗಳು.. ಇವಳು ಹೆಮ್ಮೆಯ ಕನ್ನಡತಿ..

ಸವಣೂರು ತಾಲೂಕಿನ ನಾಯಿಕೆರೂರು ಗ್ರಾಮದ ಬಸನಗೌಡ ಹಾಗೂ ಚೆನ್ನವ್ವ ಎಂಬುವರ ಮಗಳು ಲಕ್ಷ್ಮಿ ದೊಡ್ಡಗೌಡರ ಈ ಸಾಧನೆ ಮಾಡಿದವರು. ಕವಿವಿ ಆರ್ ಸಿ ಹಿರೇಮಠ ಕನ್ನಡ ಅಧ್ಯಯನ ಪೀಠದಲ್ಲಿ ಒಂಬತ್ತು ಬಂಗಾರದ ಪದಕ ಪಡೆದುಕೊಂಡಿದ್ದಾರೆ..

ಧಾರವಾಡ : ಈ ಯುವತಿ ಮೂಲತಃ ಕೃಷಿ ಪ್ರಧಾನ ಕುಟುಂಬದಿಂದ ಬಂದವಳು. ಪೋಷಕರು ತಾವು ಕಲಿಯದಿದ್ದರೂ, ನಮ್ಮ ಮಗಳಾದರೂ ಹೆಚ್ಚಿನ ವ್ಯಾಸಂಗ ಮಾಡಲಿ ಎಂದು ಆಶಿಸಿ ಓದಿಸಿದ್ದಾರೆ. ಪೋಷಕರ ಆಸೆಯಂತೆ ಚೆನ್ನಾಗಿ ಓದಿದ ಯುವತಿ ಇಂದು 9 ಬಂಗಾರದ ಪದಕಗಳನ್ನು ಪಡೆಯುವ ಮೂಲಕ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ.

ಹಾವೇರಿ‌ ಜಿಲ್ಲೆಯ ಸವಣೂರು ತಾಲೂಕಿನ ನಾಯಿಕೆರೂರು ಗ್ರಾಮದ ಬಸನಗೌಡ ಹಾಗೂ ಚೆನ್ನವ್ವ ಎಂಬುವರ ಮಗಳು ಲಕ್ಷ್ಮಿ ದೊಡ್ಡಗೌಡರ ಈ ಸಾಧನೆ ಮಾಡಿದವರು. ಕವಿವಿ ಆರ್ ಸಿ ಹಿರೇಮಠ ಕನ್ನಡ ಅಧ್ಯಯನ ಪೀಠದಲ್ಲಿ ಒಂಬತ್ತು ಬಂಗಾರದ ಪದಕ ಪಡೆದುಕೊಂಡಿದ್ದಾರೆ. ಕರ್ನಾಟಕ ವಿಶ್ವವಿದ್ಯಾಲಯದ 70 ಹಾಗೂ 71ನೇ ಘಟಿಕೋತ್ಸವದ ಪ್ರಶಸ್ತಿ ಪದಕ ಪ್ರದಾನ ಕಾರ್ಯಕ್ರಮ ಇಂದು ನೆರವೇರಿತು.

ಇನ್ನುಳಿದಂತೆ 71ನೇ ಘಟಿಕೋತ್ಸವದಲ್ಲಿ ಕವಿವಿ ಪತ್ರಿಕೋದ್ಯಮ ವಿಭಾಗದ ಪ್ರೀತಿ ಕಾಮತ್ 9 ಬಂಗಾರದ ಪದಕ ಹಾಗೂ 70ನೇ ಘಟಿಕೋತ್ಸವದಲ್ಲಿ ಹುಬ್ಬಳ್ಳಿಯ ಕಾಡಸಿದ್ಧೇಶ್ವರ ಕಾಲೇಜಿನ ಪುಷ್ಪಾವತಿ ನಾಯಕ್ 9 ಚಿನ್ನದ ಪದಕ ಪಡೆಯುವ ಮೂಲಕ ಯುವತಿಯರೇ ಮೇಲುಗೈ ಸಾಧಿಸಿದ್ದಾರೆ.