ವಿವಿಧ ಬೇಡಿಕೆ ಈಡೇರಿಸುವಂತೆ ಕಲಘಟಗಿ ಆಶಾ ಕಾರ್ಯಕರ್ತೆಯರ ಆಗ್ರಹ

ಕೋವಿಡ್ -19 ನಿವಾರಣೆಗೆ ಸೇವೆ ಸಲ್ಲಿಸಲು ಅಗತ್ಯವಿರುವ ಸುರಕ್ಷಾ ಸಾಮಗ್ರಿ ನೀಡಬೇಕು. ಕೊರೊನಾ ಸೋಂಕಿತ ಆಶಾ ಕಾರ್ಯಕರ್ತೆಯರಿಗೆ ಉಚಿತ ಚಿಕಿತ್ಸೆ, ಪರಿಹಾರ ನೀಡಬೇಕು. ವೇತನ ಹೆಚ್ಚಳ ಮಾಡಿ ತಿಂಗಳಿಗೆ 12 ಸಾವಿರ ಗೌರವ ಧನ ನೀಡಬೇಕು ಎಂದು ತಾಲೂಕಿನ ಆಶಾ ಕಾರ್ಯಕರ್ತೆಯರು ಆಗ್ರಹಿಸಿದರು.

ಕಲಘಟಗಿ:ಆಶಾ ಕಾರ್ಯಕರ್ತೆಯರ ತಿಂಗಳ ಗೌರವ ಧನವನ್ನು 12 ಸಾವಿರಕ್ಕೆ ಹೆಚ್ಚಿಸಿಬೇಕು ಹಾಗೂ ಕೋವಿಡ್ -19 ವಿರುದ್ಧದ ಹೋರಾಟಕ್ಕೆ ಅಗತ್ಯವಿರುವ ಸುರಕ್ಷಾ ಸಾಮಗ್ರಿಗಳನ್ನು ವಿತರಿಸಬೇಕು ಎಂದು ಒತ್ತಾಯಿಸಿ ತಾಲೂಕು ವೈದ್ಯಾಧಿಕಾರಿ ಡಾ.ಬಸವರಾಜ ಬಾಸೂರ ಅವರಿಗೆ ಮನವಿ ಸಲ್ಲಿಸಿದರು.

ತಾಲೂಕಿನ ಆಶಾ ಕಾರ್ಯಕರ್ತೆಯರು ಇಂದು ತಮ್ಮ ಒಂದು ದಿನದ ಸೇವೆ ಸ್ಥಗಿತಗೊಳಿಸಿ, ಕೋವಿಡ್ -19 ನಿವಾರಣೆಗೆ ಸೇವೆ ಸಲ್ಲಿಸಲು ಅಗತ್ಯವಿರುವ ಸುರಕ್ಷಾ ಸಾಮಗ್ರಿ ನೀಡಬೇಕು. ಕೊರೊನಾ ಸೋಂಕಿತ ಆಶಾ ಕಾರ್ಯಕರ್ತೆಯರಿಗೆ ಉಚಿತ ಚಿಕಿತ್ಸೆ, ಪರಿಹಾರ ನೀಡಬೇಕು. ವೇತನ ಹೆಚ್ಚಳ ಮಾಡಿ ತಿಂಗಳಿಗೆ 12 ಸಾವಿರ ಗೌರವ ಧನ ನೀಡಬೇಕು ಎಂದು ಆಗ್ರಹಿಸಿದರು.

ಈ ವೇಳೆ ಆಶಾ ಕಾರ್ಯಕರ್ತೆಯರಾದ ಶಾರದಾ ತಾವರಗೇರಿ, ಶೋಭಾ ಯಾದವ, ಸುಶೀಲಾ ಮುಗಳಿ, ಶೋಭಾ ಹಿರೇಮಠ, ಲೀಲಾವತಿ ಹೆಬ್ಬಾಳ, ಸುಭದ್ರಾ ಟೆಕ್ಕಳಕ್ಕಿ, ರೇಖಾ ದೇಸಾಯಿ, ಬಸಮ್ಮ ಹೆಬ್ಬಳ್ಳಿ, ಪ್ರೇಮಾ ಲಮಾಣಿ, ಗೀತಾ ಕಂಬಾರ, ಮಂಜುಳಾ ಮೊರಬ ಇದ್ದರು.