ನೈರುತ್ಯ ರೈಲ್ವೆ ಇಲಾಖೆಯಿಂದ ಹೊಸ ಆವಿಷ್ಕಾರ: ಗ್ಯಾಂಗ್​ಮೆನ್​ ಅನುಕೂಲಕ್ಕೆ ಬಂತು ಸೈಕಲ್ ಪೆಡಲ್ ಟ್ರಾಲಿ

ಹುಬ್ಬಳ್ಳಿಯ ನೈರುತ್ಯ ರೈಲ್ವೆ ಸಿಬ್ಬಂದಿ ಸೈಕಲ್​ ಪೆಡಲ್ ಟ್ರಾಲಿ ನಿರ್ಮಿಸಿದ್ದಾರೆ. ಇದರಿಂದ ರೈಲ್ವೆ ಹಳಿ ಕಾಮಗಾರಿಗೆ ಹೆಚ್ಚು ಅನುಕೂಲವಾಗಲಿದೆ ಎಂದು ಡಿಆರ್​ಎಂ ಅಧಿಕಾರಿಗಳು ತಿಳಿಸಿದ್ದಾರೆ.

ಹುಬ್ಬಳ್ಳಿ:ನೈರುತ್ಯ ರೈಲ್ವೆ ವಲಯದಲ್ಲಿ ಆವಿಷ್ಕಾರದ ಮೂಲಕ ವಿನೂತನ ಪ್ರಯತ್ನವೊಂದಕ್ಕೆ ಕೈಹಾಕಿದ್ದಾರೆ. ಸೈಕಲ್ ಪೆಡಲ್ ಮೂಲಕ ಟ್ರಾಲಿಯನ್ನು ನಿರ್ಮಿಸಲಾಗಿದೆ.

ನಾವೆಲ್ಲ ಯಂತ್ರಚಾಲಿತ ಟ್ರಾಲಿಯನ್ನು ನೋಡಿದ್ದೇವೆ. ಆದರೆ, ಈಗ ಸೈಕಲ್ ಪೆಡಲ್ ಮೂಲಕ ರೈಲ್ವೆ ಹಳಿ ಮೇಲೆ ಟ್ರಾಲಿ ನಡೆಸುವ ಪ್ರಯತ್ನ ನಡೆದಿದೆ. ಇದರಿಂದ ರೈಲ್ವೆ ಹಳಿ ವೀಕ್ಷಣೆ ಹಾಗೂ ಕಾಮಗಾರಿ ಪರಿಶೀಲನೆ, ಸಿಗ್ನಲ್ ಸೇರಿದಂತೆ ರೈಲ್ವೆಗೆ ಸಂಬಂಧಿಸಿದ ಕಾಮಗಾರಿಗಳಿಗೆ ಹೆಚ್ಚು ಅನುಕೂಲವಾಗಲಿದೆ.

ಹುಬ್ಬಳ್ಳಿಯ ವರ್ಕ್ ಶಾಪ್​ನಲ್ಲಿ ತಯಾರಿಸಿದ ಸೈಕಲ್ ಪೆಡಲ್ ಟ್ರಾಲಿಯನ್ನು ರೈಲ್ವೆ ಡಿಆರ್​ಎಂ ಅಧಿಕಾರಿಗಳು ಪೆಡಲ್ ರೈಡ್ ಮಾಡುವ ಮೂಲಕ ಪರಿಶೀಲನೆ ನಡೆಸಿದ್ದು, ಸಿಬ್ಬಂದಿಯ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.