ಸಿನಿಮಾ ಶೈಲಿಯಲ್ಲಿ ರಾಬರಿಗಿಳಿದ ಆರೋಪಿ ಅರೆಸ್ಟ್​: ಸಿಸಿಟಿವಿಯಲ್ಲಿ ದೃಶ್ಯ ಸೆರೆ

ಜ.18 ರಂದು ಹುಬ್ಬಳ್ಳಿಯ ಕೊಪ್ಪಿಕರ್ ರಸ್ತೆಯ ಎಸ್​ಬಿಐ ಬ್ಯಾಂಕ್​ನಲ್ಲಿ ಹಾಡುಹಗಲೇ ದರೋಡೆಕೋರನೊಬ್ಬ ಮಹಿಳೆಯನ್ನು ಬೆದರಿಸಿ ಹಣ ದರೋಡೆ ಮಾಡಿದ್ದ. ಈ ಕುರಿತಾದ ದೃಶ್ಯ ಬ್ಯಾಂಕ್​ನ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಈಟಿವಿ ಭಾರತಕ್ಕೆ ಲಭ್ಯವಾಗಿದೆ.

ಹುಬ್ಬಳ್ಳಿ: ಸಿನಿಮಾ ಶೈಲಿಯಲ್ಲಿ ಕೈಯಲ್ಲಿ ಚಾಕು, ಮಂಕಿ ಕ್ಯಾಪ್ ಧರಿಸಿ ಕ್ಯಾಷಿಯರ್ ಚೇಂಬರ್​ಗೆ ನುಗ್ಗಿದ್ದ ದರೋಡೆಕೋರನೊಬ್ಬ ಮಹಿಳೆಯನ್ನು ಬೆದರಿಸಿ ಹಣ ದರೋಡೆ ಮಾಡಿದ್ದ ಘಟನೆ ನಡೆದಿತ್ತು. ಇದೀಗ ಆರೋಪಿ ಚಲನವಲನದ ದೃಶ್ಯ ಬ್ಯಾಂಕ್​ನ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಈಟಿವಿ ಭಾರತಕ್ಕೆ ಲಭ್ಯವಾಗಿದೆ.

ಜ.18 ರಂದು ಹುಬ್ಬಳ್ಳಿ ಕೊಪ್ಪಿಕರ್ ರಸ್ತೆಯ ಎಸ್​ಬಿಐ ಬ್ಯಾಂಕ್​ನಲ್ಲಿ ಹಾಡುಹಗಲೇ ವಿಜಯಪುರ ಮ‌ೂಲದ ಪ್ರವೀಣ್ ಎಂಬಾತ ದರೋಡೆ ಮಾಡಿ, ಎಸ್ಕೇಪ್ ಆಗಿದ್ದ. ಈತ ತನ್ನ ಮದುವೆಯನ್ನ ಅದ್ಧೂರಿಯಾಗಿ ಮಾಡಿಕೊಳ್ಳಬೇಕು ಎಂದು ಬ್ಯಾಂಕ್​ ದರೋಡೆ ಮಾಡಿದ್ದ ಎನ್ನಲಾಗಿದೆ.

ಕಳ್ಳ ಹಣ ದೋಚಿಕೊಂಡು ಪರಾರಿಯಾಗುತ್ತಿದ್ದಂತೆ ಬ್ಯಾಂಕ್​ ಸಿಬ್ಬಂದಿ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಕಳ್ಳನನ್ನ ಚೇಸಿಂಗ್ ಮಾಡಿದ ಪೊಲೀಸರು, ಅಂದೇ ಆರೋಪಿಯನ್ನು ಬಂಧಿಸಿ, 6.39 ಲಕ್ಷ ರೂ. ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದರು.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ