ಹುಬ್ಬಳ್ಳಿ: ಗುಟ್ಕಾ ವಿರುದ್ಧ ಆರೋಗ್ಯ ಇಲಾಖೆಯಿಂದ ವಿನೂತನ ಗುಲಾಬಿ ಆಂದೋಲನ

18 ವರ್ಷ ವಯಸ್ಸಿಗಿಂತ ಕೆಳಗಿನವರನ್ನು ವ್ಯಸನಮುಕ್ತ ಮಾಡುವ ಸದುದ್ದೇಶದಿಂದ ಮಕ್ಕಳಿಗೆ ಗುಟ್ಕಾ ಮಾರಾಟ ಮಾಡುವ ಮಾರಾಟಗಾರರಿಗೆ ಗುಲಾಬಿ ಹೂವು ನೀಡಿ ಗುಟ್ಕಾ ಮಾರಾಟ ಮಾಡದಂತೆ ಹುಬ್ಬಳ್ಳಿ ಆರೋಗ್ಯ ಇಲಾಖೆ ಅಧಿಕಾರಿಗಳು ಜಾಗೃತಿ ಮೂಡಿಸಿದರು.

ಹುಬ್ಬಳ್ಳಿ: ಅಪ್ರಾಪ್ತ ಮಕ್ಕಳಿಗೆ ಗುಟ್ಕಾ ನೀಡುವ ಅಂಗಡಿ ಮಾಲೀಕರಿಗೆ ಗುಲಾಬಿ‌ ಹೂವು ನೀಡುವ ಮೂಲಕ ವಿನೂತನ ಜಾಗೃತಿ‌ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.

ತಾಲೂಕು ಆರೋಗ್ಯ ಅಧಿಕಾರಿಗಳು ಹಾಗೂ ಹುಬ್ಬಳ್ಳಿ - ಧಾರವಾಡ ಮಹಾನಗರ ಪಾಲಿಕೆ ಸಹಯೋಗದಲ್ಲಿ ಆಶಾ ಕಾರ್ಯಕರ್ತೆಯರು ನಗರದಲ್ಲಿ ಗುಲಾಬಿ ಆಂದೋಲನ ನಡೆಸಿದರು.

18 ವರ್ಷ ವಯಸ್ಸಿಗಿಂತ ಕೆಳಗಿನವರನ್ನು ವ್ಯಸನಮುಕ್ತ ಮಾಡುವ ಸದುದ್ದೇಶದಿಂದ ಮಕ್ಕಳಿಗೆ ಗುಟ್ಕಾ ಮಾರಾಟ ಮಾಡುವ ಮಾರಾಟಗಾರರಿಗೆ ಗುಲಾಬಿ ಹೂವು ನೀಡಿ ಗುಟ್ಕಾ ಮಾರಾಟ ಮಾಡದಂತೆ ಜಾಗೃತಿ ಮೂಡಿಸಿದರು. ಒಂದು ವೇಳೆ, ಕಾನೂನು ಬಾಹಿರವಾಗಿ ಮಾರಾಟ ಮಾಡಿದರೆ ದಂಡ ಹಾಗೂ ಜೈಲು ಶಿಕ್ಷೆ ಸಹ ನೀಡಲಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.