ಹುಬ್ಬಳ್ಳಿ: ಇಂಧನ ಬೆಲೆ ಏರಿಕೆಯ ಬಿಸಿ ಕೇವಲ ಸಾರ್ವಜನಿಕರಿಗೆ ಮಾತ್ರವಲ್ಲದೆ, ಸಾರಿಗೆ ಸಂಸ್ಥೆಗಳಿಗೂ ತಟ್ಟಿದೆ. ದೊಡ್ಡ ಪ್ರಮಾಣದಲ್ಲಿ ಡೀಸೆಲ್ ಬಳಕೆ ಮಾಡುವ ಸಂಸ್ಥೆಗಳು ಸ್ವಂತ ಪೆಟ್ರೋಲ್ ಬಂಕ್ಗಳಿಂದ ಹೊರಬಂದು ಸಾರ್ವಜನಿಕರು ಉಪಯೋಗಿಸುವ ಖಾಸಗಿ ಬಂಕ್ ಗಳ ಮೊರೆ ಹೋಗುವ ಸ್ಥಿತಿ ಬಂದಿದೆ. ಹೌದು, ಸಾರಿಗೆ ಸಂಸ್ಥೆಗಳ ಪುನಶ್ಚೇತನಕ್ಕೆ ಸರ್ಕಾರ ಕಸರತ್ತು ನಡೆಸಿರುವಾಗಲೇ ಸಗಟು ಗ್ರಾಹಕರಾಗಿರುವ ಸಾರಿಗೆ ಸಂಸ್ಥೆಗಳಿಗೆ ಡೀಸೆಲ್ ದರ ಹೆಚ್ಚಳ ದೊಡ್ಡ ಹೊಡೆತ ನೀಡಿದೆ.
ಖಾಸಗಿ ಪೆಟ್ರೋಲ್ ಬಂಕ್ ಮೊರೆ ಹೋದ ಸಾರಿಗೆ ಸಂಸ್ಥೆ ಬಸ್ಗಳು
ಸಗಟು ಗ್ರಾಹಕರಿಗೆ ಪ್ರತಿ ಲೀಟರ್ಗೆ 21 ರೂ. ಹೆಚ್ಚಳವಾಗಿದ್ದು, ಡಿಸ್ಕೌಂಟ್ ಕಳೆದರೂ ಪ್ರತಿ ಲೀಟರ್ಗೆ 21ರೂ. ಹೊರೆ ಬೀಳುತ್ತಿದೆ. ಈ ಸಂಕಷ್ಟದಿಂದ ಪಾರಾಗಲು ಹೊರಗಿನ ಬಂಕ್ಗಳಿಂದ ಡೀಸೆಲ್ಗಾಗಿ ಮೊರೆ ಹೋಗುವ ಸ್ಥಿತಿ ಸಂಸ್ಥೆಗೆ ಬಂದಿದೆ. ಹುಬ್ಬಳ್ಳಿಯ ವಾಯುವ್ಯ ಸಾರಿಗೆ ಘಟಕದ ಬಸ್ಗಳಿಗೆ ಖಾಸಗಿ ಬಂಕ್ಗಳಲ್ಲಿ ಇಂಧನ ತುಂಬಿಸಿಕೊಳ್ಳಲಾಗ್ತಿದೆ. ಸಾರಿಗೆ ಸಂಸ್ಥೆಗಳು ನೌಕರರ ವೇತನದಷ್ಟೇ ಹಣವನ್ನು ಡೀಸೆಲ್ಗಾಗಿ ಪ್ರತಿ ತಿಂಗಳು ವ್ಯಯಿಸುತ್ತಿವೆ.