ಲಾಕ್​ಡೌನ್ ಮುಗಿಯುವವರೆಗೂ ಉಚಿತ ಸೇವೆ ನೀಡಲು ಪಣ ತೊಟ್ಟಿದ್ದಾರೆ ಹುಬ್ಬಳ್ಳಿಯ ಈ ವೈದ್ಯ!

ಲಾಕ್​ಡೌನ್​ ಸಂದರ್ಭದಲ್ಲಿ ಕೆಲವು ಖಾಸಗಿ ವೈದ್ಯರು ಚಿಕಿತ್ಸೆ ನೀಡಲು ಕೂಡ ಹಿಂದೇಟು ಹಾಕುತ್ತಿದ್ದಾರೆ.‌ ಕೆಲವರು ಲಾಕ್​ಡೌನ್ ಬಂಡವಾಳ ಮಾಡಿಕೊಂಡು ಎರಡು ಪಟ್ಟು ಬಿಲ್ ಮಾಡುತ್ತಿದ್ದಾರೆ. ಆದರೆ ಇವರು ಅದೆಲ್ಲದಕ್ಕೂ ಅಪವಾದ ಎಂಬಂತೆ ಸಂಕಷ್ಟದಲ್ಲಿರುವವರಿಗೆ ಸ್ಪಂದಿಸುವ ಮೂಲಕ ಇಲ್ಲೊಬ್ಬ ವೈದ್ಯರು ಮಾನವೀಯತೆ ಮೆರೆಯುತ್ತಿದ್ದಾರೆ.

ಹುಬ್ಬಳ್ಳಿ: ಕೊರೊನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ವೈದ್ಯರ ಪಾತ್ರ ದೊಡ್ಡದಿದೆ. ಕೊರೊನಾ ನಿಯಂತ್ರಣಕ್ಕೆ ಜೀವ ಪಣಕ್ಕಿಟ್ಟು ಸೆಣಾಸಾಡುತ್ತಿದ್ದಾರೆ.‌ ಅದರಲ್ಲೂ ನಗರದ ಹಳೇ ಕೋರ್ಟ್ ಹತ್ತಿರದ ಕುಂದಗೋಳ ಅಪಾರ್ಟ್​ಮೆಂಟ್​ನಲ್ಲಿರುವ ಡಾ‌. ಮಹಾಂತೇಶ ಹಳೇಮನಿ ಎಂಬ ವೈದ್ಯರು ಉಚಿತವಾಗಿ ಜನರಿಗೆ ಎಲುಬು ಚಿಕಿತ್ಸೆ ನೀಡುತಿದ್ದಾರೆ.

ಲಾಕ್​ಡೌನ್​ ಸಂದರ್ಭದಲ್ಲಿ ಕೆಲವು ಖಾಸಗಿ ವೈದ್ಯರು ಚಿಕಿತ್ಸೆ ನೀಡಲು ಕೂಡ ಹಿಂದೇಟು ಹಾಕುತ್ತಿದ್ದಾರೆ.‌ ಕೆಲವರು ಲಾಕ್​ಡೌನ್ ಬಂಡವಾಳ ಮಾಡಿಕೊಂಡು ಎರಡು ಪಟ್ಟು ಬಿಲ್ ಮಾಡುತ್ತಿದ್ದಾರೆ. ಆದರೆ ಇವರು ಅದೆಲ್ಲದಕ್ಕೂ ಅಪವಾದ ಎಂಬಂತೆ ಸಂಕಷ್ಟದಲ್ಲಿರುವವರಿಗೆ ಸ್ಪಂದಿಸುವ ಮೂಲಕ ಮಾನವೀಯತೆ ಮೆರೆಯುತ್ತಿದ್ದಾರೆ ಈ ವೈದ್ಯ.

ಕೊರೊನಾ ನಿಯಂತ್ರಣಕ್ಕೆ ಸಾರ್ವಜನಿಕರು ಮಾಡಬೇಕಾದ ಕೆಲಸ ಹಾಗೂ ವಹಿಸಬೇಕಾದ ಆರೋಗ್ಯದ ಬಗೆಗಿನ ಕಾಳಜಿ ಕುರಿತು ವೈದರು ಜಾಗೃತಿ ಮೂಡಿಸುತ್ತಿದ್ದಾರೆ.

ವೈದ್ಯರು ಕಣ್ಣಿಗೆ ಕಾಣುವ ದೇವರು ಎಂಬುದನ್ನು ಈ ವೈದ್ಯರು ಸಾಬೀತು ಮಾಡಿದ್ದಾರೆ. ದೇವಸ್ಥಾನಗಳೇ ಬಾಗಿಲು ಹಾಕಿವೆ. ಆಸ್ಪತ್ರೆಗಳು ಬಾಗಿಲು ತೆರೆದು ಸೇವೆ ನೀಡುತ್ತಿವೆ. ಇಂತಹ ವೈದ್ಯರ ಸೇವೆ ಇನ್ನಷ್ಟು ವಿಸ್ತರಿಸಲಿ ಎಂಬುವುದು ಸ್ಥಳೀಯರ ಆಶಯವಾಗಿದೆ.