ರೈತರಿಂದ ತರಕಾರಿ ಖರೀದಿಸಿ ಬಡ ಜನರಿಗೆ ಹಂಚಿದ ಧಾರವಾಡ ಜಿಲ್ಲಾ ಕಾಂಗ್ರೆಸ್​ ಅಧ್ಯಕ್ಷ

ಧಾರವಾಡ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಅನಿಲ್ ಕುಮಾರ್ ಪಾಟೀಲ್ ರೈತರ ಹೊಲಗಳಿಗೆ ಭೇಟಿ ನೀಡಿ ಹಲವು ಬಗೆಯ ತರಕಾರಿಗಳನ್ನು ನೇರವಾಗಿ ಖರೀದಿಸಿ ಸಂಕಷ್ಟದಲ್ಲಿರುವ ಬಡ ಜನರಿಗೆ ಉಚಿತವಾಗಿ ಹಂಚಿದ್ದು, ಈ ಮೂಲಕ ರೈತರು ಮತ್ತು ಬಡ ಜನರಿಗೆ ನೆರವಾಗಿದ್ದಾರೆ.

ಹುಬ್ಬಳ್ಳಿ : ಲಾಕ್​​​​​​ಡೌನ್​​​​​​​​​​ನಿಂದಾಗಿ ಬೆಳೆದ ಬೆಳೆಗೆ ಸರಿಯಾದ ಬೆಲೆ ಸಿಗದೇ ಅನೇಕ ರೈತರು ಬೆಳೆ ನಾಶ ಮಾಡುತ್ತಿದ್ದಾರೆ.‌ ಇದನ್ನು ಮನಗಂಡ ಕಾಂಗ್ರೆಸ್ ನಾಯಕರೊಬ್ಬರು ರೈತರ ನೆರವಿಗೆ ಬಂದಿದ್ದಾರೆ.

ಧಾರವಾಡ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಅನಿಲ್​​​​ ಕುಮಾರ್ ಪಾಟೀಲ್ ರೈತರ ಹೊಲಗಳಿಗೆ ಭೇಟಿ ನೀಡಿ ಹಲವು ಬಗೆಯ ತರಕಾರಿಗಳನ್ನು ನೇರವಾಗಿ ಖರೀದಿಸಿ ಸಂಕಷ್ಟದಲ್ಲಿರುವ ಬಡ ಜನರಿಗೆ ಉಚಿತವಾಗಿ ಹಂಚಿದ್ದು, ಈ ಮೂಲಕ ರೈತರು ಮತ್ತು ಬಡ ಜನರಿಗೆ ನೆರವಾಗಿದ್ದಾರೆ.

ನಗರದ ಗಿರಿರಾಜ ನಗರ, ಶಿರಡಿ ನಗರ, ಬಾಪೂಜಿನಗರ, ಗುರುದೇವ ನಗರ, ಚಾಮುಂಡೇಶ್ವರಿ ನಗರ, ಹಾಗೂ ಶಾಂತಿನಗರದ ಸುಮಾರು 2 ಸಾವಿರ ಕುಟುಂಬಗಳಿಗೆ ತರಕಾರಿ ಹಂಚಲಾಯಿತು. ಜನರು ಸಾಮಾಜಿಕ ಅಂತರ ಕಾಯ್ದುಕೊಂಡು ತರಕಾರಿ ಪಡೆದುಕೊಂಡರು.

ಈ ಸಂದರ್ಭದಲ್ಲಿ ಕಾಂಗ್ರೆಸ್ ಮುಖಂಡರಾದ ಎಂ.ಎಸ್.ಪಾಟೀಲ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಅಬ್ದುಲ್ ಗಣಿ, ಮುಖಂಡರುಗಳಾದ ರವಿ ಕಲ್ಯಾಣಿ, ವೆಂಕಟೇಶ್ ಪೂಜಾರ್, ಶಫೀ ಯಾದಗಿರ, ಪ್ರವೀಣ್ ಜಕನೂರ್ ಮುಂತಾದವರು ಉಪಸ್ಥಿತರಿದ್ದರು.