ಒಂದೂವರೆ ತಿಂಗಳ ಹಿಂದೆ ಸೇನೆ ಸೇರಿದ್ದ ಧಾರವಾಡ ಯುವಕ ತರಬೇತಿ ವೇಳೆ ಸಾವು: ನಾಳೆ ಸ್ವಗ್ರಾಮದಲ್ಲಿ ಅಂತ್ಯಕ್ರಿಯೆ

ತರಬೇತಿ ಸಮಯದಲ್ಲಿ ತಲೆಗೆ ಪೆಟ್ಟು ಬಿದ್ದು ತಾಲೂಕಿನ ನಿಗದಿ ಗ್ರಾಮದ ಯೋಧ ಮಹೇಶ ಸಿಂಗನಹಳ್ಳಿ (20) ಸಾವನ್ನಪ್ಪಿದ್ದಾರೆ. ನಾಳೆ ಸ್ವಗ್ರಾಮ‌ ನಿಗದಿಯಲ್ಲಿ ಸಕಲ ಸರ್ಕಾರಿ ಗೌರವದೊಂದಿಗೆ ಯೋಧನ ಅಂತ್ಯಕ್ರಿಯೆ ನಡೆಯಲಿದೆ.

ಧಾರವಾಡ:ಮಹಾರಾಷ್ಟ್ರದ ನಾಗಪುರದಲ್ಲಿ ಭಾರತೀಯ ಸೇನಾ ತರಬೇತಿ ಸಮಯದಲ್ಲಿ ಧಾರವಾಡದ ಯೋಧನೋರ್ವ ಸಾವನ್ನಪ್ಪಿದ್ದಾರೆ.

ತರಬೇತಿ ಸಮಯದಲ್ಲಿ ತಲೆಗೆ ಪೆಟ್ಟು ಬಿದ್ದು ತಾಲೂಕಿನ ನಿಗದಿ ಗ್ರಾಮದ ಮಹೇಶ ಸಿಂಗನಹಳ್ಳಿ(20) ಮೃತಪಟ್ಟಿದ್ದಾರೆ. ಒಂದೂವರೆ ತಿಂಗಳ ಹಿಂದೆ‌ಯಷ್ಟೇ ಮಹೇಶ್​​ ಸೇನೆಗೆ ಸೇರಿದ್ದು, ಮಹಾರಾಷ್ಟ್ರದ ನಾಗಪುರದಲ್ಲಿ ಸೇನಾ ತರಬೇತಿ ಪಡೆಯುತ್ತಿದ್ದರು.

ತಂದೆ-ತಾಯಿ, ಓರ್ವ ಸಹೋದರ, ಇಬ್ಬರು ಸಹೋದರಿಯರು ಸೇರಿದಂತೆ ಅಪಾರ ಬಂಧು ಬಳಗವನ್ನು ಯೋಧ ಮಹೇಶ್​ ಅಗಲಿದ್ದು, ಕುಟುಂಬದಲ್ಲಿ‌ ದುಃಖ ಮಡುಗಟ್ಟಿದೆ. ನಾಳೆ ಸ್ವಗ್ರಾಮ‌ ನಿಗದಿಯಲ್ಲಿ ಸಕಲ ಸರ್ಕಾರಿ ಗೌರವದೊಂದಿಗೆ ಯೋಧನ ಅಂತ್ಯಕ್ರಿಯೆ ನಡೆಯಲಿದೆ ಎಂದು ತಿಳಿದುಬಂದಿದೆ.