ಹುಬ್ಬಳ್ಳಿ: ಮೂರುಸಾವಿರ ಮಠದ ಉತ್ತರಾಧಿಕಾರ ವಿವಾದಕ್ಕೆ ಸಂಬಂಧಿಸಿದಂತೆ ಮಠದಲ್ಲಿ ನಾಳೆ ಸತ್ಯದರ್ಶನ ಸಭೆ ಕರೆದಿರುವುದು ನನ್ನ ಮನಸ್ಸಿಗೆ ನೋವಾಗಿದೆ. ಸ್ವಾಮೀಜಿಯವರು ಕೂಡಾ ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ ಎಂದು ಉನ್ನತಮಟ್ಟದ ಸಮಿತಿ ಸದಸ್ಯ ಶಂಕ್ರಣ್ಣ ಮುನವಳ್ಳಿ ಹೇಳಿದರು.
ಮೂರುಸಾವಿರ ಮಠದ ಉತ್ತರಾಧಿಕಾರ ವಿವಾದ: ನಾಳೆ ಸತ್ಯದರ್ಶನ ಸಭೆ
ನಗರದಲ್ಲಿಂದು ಸುದ್ದಿಗಾರರೊಂದಿಗೆ ಮಾತನಾಡಿದ ಶಂಕ್ರಣ್ಣ ಮುನವಳ್ಳಿ, ಈ ವಿಷಯ ಕುರಿತಂತೆ ನಿನ್ನೆ ಸ್ವಾಮೀಜಿ ಜೊತೆಗೆ ಮಾತನಾಡಿದ್ದೇವೆ. ಸ್ವಾಮೀಜಿಯವರು ಕೂಡ ಸಭೆಯಲ್ಲಿ ಏನು ನಿರ್ಧಾರ ತೆಗೆದುಕೊಳ್ಳುತ್ತಾರೋ ಅದಕ್ಕೆ ಬದ್ಧ ಎಂದಿದ್ದಾರೆ ಎಂದರು. ಇಂತಹ ಘಟನೆಗಳು ಯಾವುದೇ ಸಮಾಜದಲ್ಲಿ ನಡೆಯಬಾರದು. ದಿಂಗಾಲೇಶ್ವರ ಸ್ವಾಮೀಜಿಯವರು ಈ ರೀತಿಯಾಗಿ ಮಠಕ್ಕೆ ಸತ್ಯಶೋಧನೆಗೆ ಬರುತ್ತಿರುವುದು ತಪ್ಪು. ನನ್ನ ವೈಯಕ್ತಿಕ ಅಭಿಪ್ರಾಯದಲ್ಲಿ 23ರಂದು ಸಭೆ ಮಾಡುವುದು ಸಮಂಜಸವಲ್ಲ. ಸ್ವಾಮೀಜಿಯವರ ಒಪ್ಪಿಗೆ ಪಡೆದುಕೊಂಡು ಯಾರನ್ನು ಸಹ ಸಭೆಗೆ ಕರೆದಿಲ್ಲ ಎಂದರು.