ಹುಬ್ಬಳ್ಳಿ ಕಂಪ್ಲೀಟ್ ಲಾಕ್: ಬಿಕೋ ಎನ್ನುತ್ತಿವೆ ವಾಣಿಜ್ಯ ನಗರಿ ರಸ್ತೆಗಳು

ಹುಬ್ಬಳ್ಳಿಯಲ್ಲಿ ಕೊರೊನಾ ತಡೆಗೆ ಜಿಲ್ಲಾಡಳಿತ ಇಂದು ಮತ್ತು ನಾಳೆ ಸಂಪೂರ್ಣ ಲಾಕ್​ಡೌನ್​ಗೆ ಆದೇಶ ನೀಡಿದೆ. ಇದರಿಂದ ನಗರದ ರಸ್ತೆಗಳೆಲ್ಲವೂ ಭಣಗುಡುತ್ತಿವೆ.

ಹುಬ್ಬಳ್ಳಿ: ಧಾರವಾಡ ಜಿಲ್ಲೆಯಲ್ಲಿ ‌ಕೊರೊನಾ ಪ್ರಕರಣಗಳು ಹೆಚ್ಚಾಗುತ್ತಿರುವುದರಿಂದ ಜಿಲ್ಲಾಡಳಿತ ಇಂದು ಮತ್ತು ನಾಳೆ ಸಂಪೂರ್ಣ ಲಾಕ್​ಡೌನ್​ಗೆ ಆದೇಶ ನೀಡಿದ್ದರಿಂದ ನಗರದ ಮಾರ್ಕೆಟ್ ಕಂಪ್ಲೀಟ್ ಕ್ಲೋಸ್ ಆಗಿದೆ.

ಸದಾ ಜನರಿಂದ ಕೂಡಿರುತ್ತಿದ್ದ ಗಾಂಧಿ ಮಾರ್ಕೆಟ್ ಜನರಿಲ್ಲದೆ ಖಾಲಿ ಖಾಲಿ ಹೊಡೆಯುತ್ತಿದೆ. ಎಪಿಎಂಸಿ ಸೇರಿದಂತೆ ತರಕಾರಿ ಮಾರ್ಕೆಟ್ ಎಲ್ಲವೂ ಬಂದ್ ಆಗಿವೆ. ಹೂ, ಹಣ್ಣು, ದಿನಸಿ ಖರೀದಿಗೆ ಬೆಳಗ್ಗೆ 8 ಗಂಟೆವರೆಗೆ ಮಾತ್ರ ಅವಕಾಶವಿದೆ. ಬೆಳಗ್ಗೆ 8 ಗಂಟೆಯ ನಂತರ ಜನರ ಓಡಾಟಕ್ಕೆ ಬ್ರೇಕ್​​ ಹಾಕಲು ಪೊಲೀಸ್ ಇಲಾಖೆ ಕ್ರಮ ತೆಗೆದುಕೊಂಡಿದೆ. ಹೀಗಾಗಿ ನಗರದ ಜನತೆ ಮನೆಯಿಂದ ಹೊರ ಬಂದಿಲ್ಲ. ಇದರಿಂದ ವಾಣಿಜ್ಯ ನಗರಿಯ ರಸ್ತೆಗಳು ಬಿಕೋ ಎನ್ನುತ್ತಿವೆ.

ಲಾಕ್​ಡೌನ್ ವೇಳೆ ಬೆಳಗ್ಗೆ 10 ಗಂಟೆಯವರೆಗೆ ಅಗತ್ಯ ವಸ್ತುಗಳ ಖರೀದಿಗೆ ಅವಕಾಶ ನೀಡಲಾಗಿತ್ತು. ಆದರೆ ಇಂದು ಮತ್ತು ನಾಳೆ 8 ಗಂಟೆ ಒಳಗೆ ಖರೀದಿಗೆ ಅವಕಾಶ ನೀಡಲಾಗಿದೆ‌.