ಬೆಂಗಳೂರು/ಧಾರವಾಡ:ಒಂದು ಪ್ರದೇಶಕ್ಕೆ ಸೀಮಿತವಾಗಿ, ಅಲ್ಲಿರುವವರ ಅಭಿರುಚಿಗೆ ತಕ್ಕಂತೆ ಕಮ್ಯುನಿಟಿ ರೇಡಿಯೋಗಳು ಕಾರ್ಯ ನಿರ್ವಹಿಸುತ್ತವೆ. ಭಾರತದಲ್ಲಿ 300ಕ್ಕೂ ಹೆಚ್ಚು ಕಮ್ಯುನಿಟಿ ರೇಡಿಯೋಗಳಿದ್ದು, ಕರ್ನಾಟಕದಲ್ಲಿ 20 ರೇಡಿಯೋಗಳು ಕಾರ್ಯ ನಿರ್ವಹಿಸುತ್ತಿವೆ.
ಜನರಿಗೆ ಪೂರಕ ಮಾಹಿತಿ ಒದಗಿಸುವ ಕಮ್ಯುನಿಟಿ ರೇಡಿಯೋ
ಕೃಷಿ, ವಿದ್ಯೆ, ಉದ್ಯೋಗ, ಕಲೆ - ಸಂಸ್ಕೃತಿ, ಸ್ಥಳೀಯ ಸಾಧಕರ ಸಂದರ್ಶನ ಹೀಗೆ ನಾನಾ ರೀತಿಯ ಮಾಹಿತಿ ಸ್ಥಳೀಯ ಜನ - ಸಾಮಾನ್ಯರಿಗೆ ನೀಡುವ ಕೆಲಸವನ್ನು ರಾಜ್ಯ ರಾಜಧಾನಿಯ ಕಮ್ಯುನಿಟಿ ರೇಡಿಯೋಗಳು ಮಾಡುತ್ತಿವೆ.
ಇನ್ನೂ ಧಾರವಾಡ ಕೃಷಿ ವಿಶ್ವವಿದ್ಯಾನಿಲಯದಲ್ಲಿರುವ ಕೃಷಿ ಸಮುದಾಯ ಬಾನುಲಿ ಕೇಂದ್ರ ದೇಶದ ಮೊಟ್ಟಮೊದಲ ಕಮ್ಯುನಿಟಿ ರೇಡಿಯೋ ಹಾಗೂ ರೈತರ ರೇಡಿಯೋ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಕೃಷಿ ಪರ, ರೈತ ಪರ ಮಾಹಿತಿಯನ್ನು ಈ ಬಾನುಲಿ ಕೇಂದ್ರ ನೀಡುತ್ತಿದೆ.