ಮಾಸ್ಕ್ ಇಲ್ಲದೇ ಕಾರು ಚಾಲನೆ : ಚೇಸ್​ ಮಾಡಿ ವಾಹನ ಸೀಜ್​ ಮಾಡಿದ ಹುಬ್ಬಳ್ಳಿ ಪೊಲೀಸರು

ಭದ್ರತೆಯಲ್ಲಿದ್ದ ಪೊಲೀಸರು ತಕ್ಷಣವೇ ಕಾರನ್ನು ಹಳೆ ಕೋರ್ಟ್ ತನಕ ಬೆನ್ನಟ್ಟಿಕೊಂಡು ಹೋಗಿ ವಶಕ್ಕೆ ಪಡೆದರು. ಪೊಲೀಸರ ಜೊತೆಗೆ ಅನಗ್ಯತ ವಾಗ್ವಾದ ನಡೆಸಿದ್ದರಿಂದ 2 ಗಂಟೆ ಕಾಲ ಕಾರು ವಶಕ್ಕೆ ಪಡೆದು ದಂಡ ಕಟ್ಟಿ ಹೋಗಲು ತಿಳಿಸಿದರು..

ಹುಬ್ಬಳ್ಳಿ :ಕಟ್ಟುನಿಟ್ಟಿನ ಲಾಕ್​ಡೌನ್​ ನಿಯಮ ಜಾರಿ ಹಿನ್ನೆಲೆ ಕಾರು ಚಾಲಕನೋರ್ವ ಮಾಸ್ಕ್ ಹಾಕದೇ ಬೇಕಾಬಿಟ್ಟಿಯಾಗಿ ವೇಗವಾಗಿ ಕಾರು ಚಲಾಯಿಸಿಕೊಂಡು ಹೋಗುತಿದ್ದ ವೇಳೆ ಪೊಲೀಸರು ಬೆನ್ನಟ್ಟಿ ಕಾರ್ ಸೀಜ್​ ಮಾಡಿದ್ದಾರೆ.

ನಗರದ ಚೆನ್ನಮ್ಮ ಸರ್ಕಲ್ ಬಳಿ ಈ ಘಟನೆ ನಡೆದಿದ್ದು, ಮಾಸ್ಕ್ ಧರಿಸದೇ ದಾಖಲೆಗಳಿಲ್ಲದೇ ಚಾಲಕನೋರ್ವ ಧಾರವಾಡದಿಂದ ಹುಬ್ಬಳ್ಳಿ ಕಡೆ ಬರುತ್ತಿದ್ದ. ಈ ವೇಳೆ ಚೆನ್ನಮ್ಮ ಸರ್ಕಲ್ ಬಳಿಯ ಚೆಕ್​ಪೋಸ್ಟ್​ನಲ್ಲಿ ಪೊಲೀಸರನ್ನ ನೋಡಿದ ಕೂಡಲೇ ವೇಗವಾಗಿ ಕಾರು ಚಾಲನೆ ಮಾಡಿಕೊಂಡು ಹೋಗಿದ್ದ.

ಭದ್ರತೆಯಲ್ಲಿದ್ದ ಪೊಲೀಸರು ತಕ್ಷಣವೇ ಕಾರನ್ನು ಹಳೆ ಕೋರ್ಟ್ ತನಕ ಬೆನ್ನಟ್ಟಿಕೊಂಡು ಹೋಗಿ ವಶಕ್ಕೆ ಪಡೆದರು. ಪೊಲೀಸರ ಜೊತೆಗೆ ಅನಗ್ಯತ ವಾಗ್ವಾದ ನಡೆಸಿದ್ದರಿಂದ 2 ಗಂಟೆ ಕಾಲ ಕಾರು ವಶಕ್ಕೆ ಪಡೆದು ದಂಡ ಕಟ್ಟಿ ಹೋಗಲು ತಿಳಿಸಿದರು.

ಆದರೆ, ಚಾಲಕ ದಂಡ ಕಟ್ಟಲು ನಿರಾಕರಿಸಿ ಪೊಲೀಸರು ಕೈಮುಗಿದು ಕಾರನ್ನು ಬಿಟ್ಟು ಬಿಡಲು ಮನವಿ ಮಾಡಿದ್ದಾನೆ. ಆದರೆ, ಪೊಲೀಸರು ಕಾರ್​ ಸೀಜ್ ಮಾಡಿ ಉಪನಗರ ಪೊಲೀಸ್ ಠಾಣೆಗೆ ತೆಗೆದುಕೊಂಡು ಹೋಗಿದ್ದಾರೆ.