ಹುಬ್ಬಳ್ಳಿ: ಭಾರತದ ಪ್ರತಿಷ್ಠಿತ ಸಂಸ್ಥೆಯಾದ SKOCH ಸಂಸ್ಥೆಯಿಂದ ಸುಸ್ಥಿರ ಮತ್ತು ಪರಿಸರ (Environment & Sustainability) ವರ್ಗದಡಿ ಕೊಡ ಮಾಡುವ 2020ರ ಸಾಲಿನ ರಾಷ್ಟ್ರ ಮಟ್ಟದ ಪ್ರಶಸ್ತಿಗೆ ಹುಬ್ಬಳ್ಳಿ-ಧಾರವಾಡ ಬಿಆರ್ಟಿಎಸ್ ಯೋಜನೆಯು ಭಾಜನವಾಗಿದೆ.
ಕಳೆದ 2 ತಿಂಗಳಿನಿಂದ ನಡೆದ ರಾಷ್ಟ್ರಮಟ್ಟದ 3 ಹಂತದ ಆಯ್ಕೆ ಪ್ರಕ್ರಿಯೆಯಲ್ಲಿ ಹೆಚ್‍ಡಿಬಿಆರ್ಟಿಎಸ್ ವಿವಿಧ ರಾಜ್ಯಗಳಿಂದ ಸ್ವೀಕೃತವಾದ 14 ಉತ್ತಮ ಯೋಜನೆಗಳ ಪೈಕಿ ಹೆಚ್‍ಡಿಬಿಆರ್ಟಿಎಸ್ ಅತ್ಯುತ್ತಮ ಯೋಜನೆ ಎಂದು ಆಯ್ಕೆಯಾಗಿದೆ. ಇದಕ್ಕಾಗಿ ನೀಡುವ ಸ್ವರ್ಣ ಪ್ರಶಸ್ತಿಯನ್ನು ಆನ್‍ಲೈನ್ ಮೂಲಕ ಪ್ರದಾನ ಮಾಡಲಾಯಿತು.
ಆಯ್ಕೆಯ ಸಂದರ್ಭದಲ್ಲಿ ಬಿಆರ್ಟಿಎಸ್ ಯೋಜನೆಯಡಿ ಅನುಷ್ಠಾನಗೊಳಿಸಲಾದ ವಿಭಿನ್ನ ಸೌಲಭ್ಯಗಳು, ಕಡಿಮೆ ಅವಧಿಯಲ್ಲಿ ಪ್ರಯಾಣಿಕರ ಸಂಖ್ಯೆಯಲ್ಲಿ ಆದ ಹೆಚ್ಚಳ ಮತ್ತು ಮೆಚ್ಚುಗೆ,ಅತ್ಯಂತ ಕಡಿಮೆ ದರದಲ್ಲಿ ದೇಶದಲ್ಲಿ ಅತಿ ಹೆಚ್ಚಿನ ಗುಣಮಟ್ಟದ ಎಸಿ ಬಸ್ ಸಂಚಾರ ಸೌಲಭ್ಯ ಕಲ್ಪಿಸುತ್ತಿರುವುದು, ವಾಯು ಮಾಲಿನ್ಯದ ನಿಯಂತ್ರಣ ಸೇರಿ ವಿವಿಧ ಆಯಾಮಗಳನ್ನು ಪರಿಗಣನೆಗೆ ತೆಗೆದುಕೊಳ್ಳಲಾಗಿದೆ.
