ಹುಬ್ಬಳ್ಳಿ: ಚಂದ್ರಯಾನ ವೀಕ್ಷಣೆ ಮಾಡಲು ರಾಜ್ಯಕ್ಕೆ ಆಗಮಿಸಿದ ಪ್ರಧಾನಿ ಮೋದಿಯವರನ್ನು ವ್ಯಂಗ್ಯ ಮಾಡಿ ಸ್ವಾಗತ ಕೋರಿರುವ ಮತ್ತೊಂದು ಬ್ಯಾನರ್ ಹುಬ್ಬಳ್ಳಿ ನಗರದಲ್ಲಿ ಕಂಡಿದೆ. ಕಾರವಾರ ರಸ್ತೆಯ ಕಾಂಗ್ರೆಸ್ ಕಚೇರಿಯ ಮುಂದೆ ಈ ಬ್ಯಾನರ್ ಹಾಕಲಾಗಿದೆ.
ಪಾಲಿಕೆ, ಪೊಲೀಸರಿಗೆ ತಲೆನೋವಾದ ಪ್ರಧಾನಿ ವಿರುದ್ಧದ ಬ್ಯಾನರ್ಗಳು ಭೀಕರ ನೆರೆಯಲ್ಲಿ ನೊಂದ ಕನ್ನಡಿಗರ ಕಣ್ಣೀರು ಒರೆಸದೆ, ಈಗ ಚಂದ್ರಯಾನ ವೀಕ್ಷಣೆ ಮಾಡಲು ಬಂದ ತಮಗೆ ಸ್ವಾಗತ ಎಂದು ವ್ಯಂಗ್ಯವಾಗಿ ಬರೆದಿರುವ ಬ್ಯಾನರ್ನಲ್ಲಿ ನೆರೆ ಹಾನಿಯ ಫೋಟೋ ಕೂಡಾ ಮುದ್ರಿಸಲಾಗಿದೆ.
ಕಾಂಗ್ರೆಸ್ ಗ್ರಾಮೀಣ ಜಿಲ್ಲಾಧ್ಯಕ್ಷ ಅನಿಲ್ ಕುಮಾರ ಪಾಟೀಲ್ ಹಾಗೂ ನಗರ ಅಧ್ಯಕ್ಷ ಅಲ್ತಾಫ್ ಹಳ್ಳೂರು ಅವರ ಭಾವಚಿತ್ರಗಳನ್ನು ಬ್ಯಾನರ್ನಲ್ಲಿ ಹಾಕಲಾಗಿದೆ.
ಕೈ ಮುಖಂಡರ ವಿರುದ್ಧ ದೂರು..
ಪ್ರಧಾನಿ ಮೋದಿ ವಿರುದ್ಧ ಧ್ವನಿ ಎತ್ತಿದ್ದಕ್ಕೆ ಕೈ ಮುಖಂಡನ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಹುಬ್ಬಳ್ಳಿ- ಧಾರವಾಡ ಜಿಲ್ಲಾ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ರಜತ್ ಉಳ್ಳಾಗಡ್ಡಿಮಠ ವಿರುದ್ಧ ಹುಬ್ಬಳ್ಳಿಯ ಉಪ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಕರ್ನಾಟಕ ವಿವಾದ ಕಾಯ್ದೆ ಹಾಗೂ ಐಪಿಸಿ ಸೆಕ್ಷನ್ 39ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.
