ಹು-ಧಾ ಮಹಾನಗರ ಪಾಲಿಕೆ ಮೇಯರ್​, ಉಪಮೇಯರ್​ ಸ್ಥಾನಗಳಿಗೆ ಮೀಸಲಾತಿ ಘೋಷಣೆ

ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆ ಚುನಾವಣೆಯೇ ಆಗಿಲ್ಲ.‌ ಆದರೆ, ಸರ್ಕಾರ ರಾಜ್ಯದಲ್ಲಿನ ಇತರೆ ಮಹಾನಗರ ಪಾಲಿಕೆಗಳ ಜೊತೆಗೆ ಹು-ಧಾ ಮಹಾನಗರ ಪಾಲಿಕೆ ಮಹಾಪೌರ, ಉಪಮಹಾಪೌರ ಸ್ಥಾನಗಳಿಗೆ ಮೀಸಲಾತಿ ಘೋಷಿಸಿದೆ. ಮಹಾಪೌರ ಸ್ಥಾನ ಸಾಮಾನ್ಯ ಮಹಿಳೆಗೆ, ಉಪಮಹಾಪೌರ ಸ್ಥಾನ‌ ಸಾಮಾನ್ಯ ವರ್ಗಕ್ಕೆ ಮೀಸಲಿರಿಸಲಾಗಿದೆ.

ಹುಬ್ಬಳ್ಳಿ:ಹುಬ್ಬಳ್ಳಿ- ಧಾರವಾಡ ಮಹಾನಗರ ಪಾಲಿಕೆಗೆ ಚುನಾವಣೆಯೇ ಆಗಿಲ್ಲ.‌ ಆದ್ರೆ, ಸರ್ಕಾರ ರಾಜ್ಯದಲ್ಲಿನ ಇತರೆ ಮಹಾನಗರ ಪಾಲಿಕೆಗಳ ಜೊತೆಗೆ ಹು-ಧಾ ಮಹಾನಗರ ಪಾಲಿಕೆ ಮಹಾಪೌರ, ಉಪಮಹಾಪೌರ ಸ್ಥಾನಗಳಿಗೆ ಮೀಸಲಾತಿ ಘೋಷಿಸಿದೆ. ಮಹಾಪೌರ ಸ್ಥಾನವನ್ನು ಸಾಮಾನ್ಯ ಮಹಿಳೆಗೆ, ಉಪಮಹಾಪೌರ ಸ್ಥಾನ‌ವನ್ನು ಸಾಮಾನ್ಯ ವರ್ಗಕ್ಕೆ ಮೀಸಲಿರಿಸಲಾಗಿದೆ.

ಮಹಾನಗರ ಪಾಲಿಕೆಗೆ ಚುನಾವಣೆ ನಡೆಯಬೇಕಾಗಿದೆಯಾದರೂ, ಕ್ಷೇತ್ರಗಳ ಪುನರ್ ವಿಂಗಡಣೆ ಹಾಗೂ ವಾರ್ಡ್​ಗಳ ಮೀಸಲು ವಿಚಾರ ಇನ್ನು ಮುಗಿದಿಲ್ಲವಾಗಿದ್ದರಿಂದ, ಹು-ಧಾ ಹಾಗೂ ಬೆಳಗಾವಿ ಮಹಾನಗರ ಪಾಲಿಕೆ ಚುನಾವಣೆ ನಡೆದಿಲ್ಲ. ರಾಜ್ಯ ಸರ್ಕಾರ ರಾಜ್ಯದ ಒಟ್ಟು 11 ಪಾಲಿಕೆಗಳ ಮೀಸಲಾತಿ ಘೋಷಣೆ ಮಾಡಿ ಡಿ. 26 ರಂದು ಆದೇಶ ಹೊರಡಿಸಿದೆ. ಹು-ಧಾ ಮಹಾನಗರ ಪಾಲಿಕೆ ಪ್ರಸ್ತುತ 67 ಸದಸ್ಯ ಬಲ ಹೊಂದಿದ್ದು, ವಾರ್ಡ್​ಗಳ ಪುನರ್ ವಿಂಗಡಣೆಯೊಂದಿಗೆ ಅದನ್ನು 82 ಸದಸ್ಯ ಬಲಕ್ಕೆ ಹೆಚ್ಚಿಸಲು ಯತ್ನಿಸಲಾಗಿದೆ‌.

ಹು-ಧಾ ಮಹಾನಗರ ಪಾಲಿಕೆ ಮಹಾಪೌರ, ಉಪಮಹಾಪೌರ ಸ್ಥಾನಗಳಿಗೆ ಮೀಸಲಾತಿ ಘೋಷಣೆ

ಇನ್ನೂ ಕೆಲವೊಂದು ವಾರ್ಡ್​ಗಳ ಮೀಸಲಾತಿ ಅವೈಜ್ಞಾನಿಕವಾಗಿದೆ ಎಂದು ಕೆಲವರು ಕೋರ್ಟ್ ಮೊರೆ ಹೋಗಿದ್ದರು‌. ರಾಜ್ಯ ಸರ್ಕಾರ ಕ್ಷೇತ್ರಗಳ ಪುನರ್ ವಿಂಗಡಣೆಯನ್ನು ಹೊಸದಾಗಿ ಮಾಡುವಂತೆ ಪಾಲಿಕೆ ಆಯುಕ್ತರಿಗೆ ಸೂಚಿಸಿದ್ದು, ಅದರ ಪ್ರಕ್ರಿಯೆ ನಡೆದ ನಂತರ ಚುನಾವಣೆ ಘೋಷಣೆ ಆಗಲಿದೆ.