ನಿರಂತರ ಮಳೆಗೆ ಅಪಾಯದ ಮಟ್ಟ ಮೀರಿ ಹರಿಯುತ್ತಿರುವ ಅಳ್ನಾವರ ಇಂದಿರಮ್ಮನ ಕೆರೆ

ಧಾರವಾಡ ಜಿಲ್ಲೆಯ ಅಳ್ನಾವರ ತಾಲೂಕಿನ ಹುಲಿಕೆರಿ ಗ್ರಾಮದ ಕೆರೆ ಕಳೆದ ವರ್ಷ ಕೂಡ ಭಾರೀ ಮಳೆಗೆ ತುಂಬಿ ಅನಾಹುತ ಸೃಷ್ಟಿ ಮಾಡಿತ್ತು. ಈ ಬಾರಿಯೂ ಕೆರೆ ಅಪಾಯದ ಮಟ್ಟ ಮೀರಿ ಹರಿಯುತ್ತಿದ್ದು, ಕೋಡಿ ಒಡೆದು ನೀರು ಹರಿಯುವ ಸಾಧ್ಯತೆಯಿದೆ.

ಧಾರವಾಡ: ನಿರಂತರ ಸುರಿಯುತ್ತಿರುವ ಮಳೆಯಿಂದ ಜಿಲ್ಲೆಯ ಅಳ್ನಾವರ ಇಂದಿರಮ್ಮನ ಕೆರೆ ಕೋಡಿ ತುಂಬಿ ಅಪಾಯದ ಮಟ್ಟ ಮೀರಿ ಹರಿಯುತ್ತಿದೆ.

ಧಾರವಾಡ ಜಿಲ್ಲೆಯ ಅಳ್ನಾವರ ತಾಲೂಕಿನ ಹುಲಿಕೆರಿ ಗ್ರಾಮದ ಕೆರೆ ಕಳೆದ ವರ್ಷ ಕೂಡ ಭಾರೀ ಮಳೆಗೆ ತುಂಬಿ ಅನಾಹುತ ಸೃಷ್ಟಿ ಮಾಡಿತ್ತು. ಈ ಬಾರಿಯೂ ಕೆರೆ ಕೋಡಿ ತುಂಬಿದ್ದು, ಕೋಡಿ ಒಡೆದು ನೀರು ಹರಿಯುವ ಸಾಧ್ಯತೆಯಿದೆ.

ಕೆರೆಯ ಕೋಡಿ‌ ನೀರು ಅಳ್ನಾವರ ಪಟ್ಟಣದ ತಗ್ಗು ಪ್ರದೇಶಕ್ಕೆ ನುಗ್ಗುವ ಆತಂಕವಿದೆ. ಈ ಕೆರೆ ಎರಡು ಎಕರೆ ವಿಸ್ತೀರ್ಣ ಹೊಂದಿದೆ. ಮಳೆ ಹೆಚ್ಚಾಗಿ ಕೋಡಿಯಿಂದ ಮತ್ತಷ್ಟು ನೀರು ಹೊರ ಬಂದ್ರೆ ಅಳ್ನಾವರ ಪಟ್ಟಣಕ್ಕೆ ಅಪಾಯ ಎದುರಾಗಲಿದೆ. ಕಳೆದ ವರ್ಷ ಅಳ್ನಾವರ ಪಟ್ಟಣದ ಸಾವಿರಕ್ಕೂ ಅಧಿಕ ಜನರನ್ನು ಧಾರವಾಡದ ಕಾಳಜಿ ಕೇಂದ್ರದಲ್ಲಿ ಇರಿಸಲಾಗಿತ್ತು.