ನೈಟ್​ ಕರ್ಫ್ಯೂ ವೇಳೆ ಕೊರೊನಾ ರೂಲ್ಸ್ ಬ್ರೇಕ್ ಮಾಡಿದ್ರಾ ಧಾರವಾಡ ಡಿಸಿ?

ಧಾರವಾಡ ಜಿಲ್ಲಾಧಿಕಾರಿ ರಾತ್ರಿ 11 ಘಂಟೆಯಾದ್ರೂ ಅದ್ಧೂರಿಯಾಗಿ ಮಗನ ಜನ್ಮದಿನ ಆಚರಿಸಿರುವ ಆರೋಪ ಕೇಳಿ ಬಂದಿದೆ. ಬರ್ತ್​ಡೇಯಲ್ಲಿ ಮಾಸ್ಕ್​ ಹಾಕಿಕೊಳ್ಳದೆಯೇ ಅಧಿಕಾರಿಗಳು ಭಾಗಿಯಾಗಿದ್ದರು ಎನ್ನಲಾಗಿದೆ. ಇದರಿಂದಾಗಿ ಅಧಿಕಾರಿಗಳಿಗೊಂದು ನ್ಯಾಯ, ಜನರಿಗೊಂದು ನ್ಯಾಯನಾ ಅಂತ ಜನ ಪ್ರಶ್ನಿಸುತ್ತಿದ್ದಾರೆ.

ಧಾರವಾಡ :ಕೊರೊನಾ ನಿಯಮ‌ ಪಾಲಿಸಬೇಕಾದ ಜಿಲ್ಲಾಧಿಕಾರಿ ನಿತೇಶ್​ ಪಾಟೀಲ ಅವರು ರೂಲ್ಸ್ ಬ್ರೇಕ್ ಮಾಡಿದ ಆರೋಪ‌ ಕೇಳಿ ಬಂದಿದೆ. ನೈಟ್ ಕರ್ಪ್ಯೂ ಇದ್ರೂ ನಿವಾಸದ ಗೇಟ್ ಹಾಕಿಕೊಂಡು ಮಗನ ಜನ್ಮದಿನ ಆಚರಿಸಿದ್ದಾರೆ ಎನ್ನಲಾಗ್ತಿದೆ.

ಮಗನ‌ ಮೊದಲನೇ ವರ್ಷದ ಜನ್ಮದಿನವನ್ನು ಡಿಸಿ ನಿತೇಶ್​ ಪಾಟೀಲ ಅದ್ಧೂರಿಯಾಗಿ ಆಚರಣೆ ಮಾಡಿದ್ದಾರೆ. ಎಲ್ಲ ತಾಲೂಕು ತಹಶೀಲ್ದಾರ್​ಗಳು ಮತ್ತು ಸರಕಾರಿ ಅಧಿಕಾರಿಗಳು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು ಎಂದು ಹೇಳಲಾಗಿದೆ.

ಇವರ ನಿವಾಸವನ್ನು ಲೈಟ್​ನಿಂದ ಅಲಂಕಾರ ಮಾಡಿ ಬರ್ತ್‌ ಡೇ ಮಾಡಿದ್ದಾರೆ. ರಾತ್ರಿ 11 ಘಂಟೆಯಾದ್ರೂ ಜನ್ಮದಿನ ಸಂಭ್ರಮಾಚರಣೆ ಮುಂದುವರೆದಿತ್ತು ಎನ್ನಲಾಗಿದೆ. ಬರ್ತ್​ಡೇಯಲ್ಲಿ ಮಾಸ್ಕ್​ ಹಾಕಿಕೊಳ್ಳದೆಯೇ ಅಧಿಕಾರಿಗಳು ಭಾಗಿಯಾಗಿದ್ದರು ಎಂಬ ಆರೋಪ ಕೇಳಿ ಬಂದಿದೆ. ಹೀಗಾಗಿ ಅಧಿಕಾರಿಗಳಿಗೊಂದು ನ್ಯಾಯ, ಜನರಿಗೊಂದು ನ್ಯಾಯನಾ ಎಂದು ಜನ ಮಾತನಾಡಿಕೊಳ್ಳುತ್ತಿದ್ದಾರೆ.