ಧಾರವಾಡ: ಕೋವಿಡ್ನಿಂದ ತಮ್ಮವರನ್ನು ಕಳೆದುಕೊಂಡ ದುಃಖದ ನಡುವೆಯೂ ನಗರದ ವ್ಯಕ್ತಿಯೊಬ್ಬರು ಜನರಿಗೆ ಕೈಲಾದ ಸೇವೆ ಮಾಡುತ್ತಿದ್ದಾರೆ.
ನಗರದ ರಾಘವೇಂದ್ರ ಶೆಟ್ಟರ್ ಎಂಬುವರ ಮನೆಯ ಸದಸ್ಯರು ಕೋವಿಡ್ಗೆ ಬಲಿಯಾಗಿದ್ದಾರೆ. ಹೀಗಾಗಿ, ಮೃತರ ಆತ್ಮಕ್ಕೆ ಶಾಂತಿ ಸಿಗಲೆಂದು ರಾಘವೇಂದ್ರ ಅವರು ಪ್ರತಿನಿತ್ಯ ಹಸಿದವರಿಗೆ ಆಹಾರ, ಪಾನೀಯ ವಿತರಿಸುತ್ತಿದ್ದಾರೆ.
ಕೊರೊನಾ ವಾರಿಯರ್ಸ್ಗಳಾದ ಪೊಲೀಸರು, ಜಿಲ್ಲಾಸ್ಪತ್ರೆ ಸಿಬ್ಬಂದಿ, ಬೀದಿ ಬದಿಯಲ್ಲಿ ಹಸಿದು ಕೂತವರು, ಟ್ರಕ್ ಚಾಲಕರು ಸೇರಿದಂತೆ ಹಲವರಿಗೆ ರಾಘವೇಂದ್ರ ಅವರು ಆಹಾರ ಹಂಚುವ ಕಾರ್ಯ ಮಾಡುತ್ತಿದ್ದಾರೆ. ಬಾಳೆಹಣ್ಣು, ಕಷಾಯ, ಪಲಾವ್, ನೀರು ಸೇರಿದಂತೆ ವಿವಿಧ ಬಗೆಯ ಆಹಾರ, ಪಾನೀಯಗಳನ್ನು ಪ್ಯಾಕ್ ಮಾಡಿ ವಿತರಿಸುತ್ತಿದ್ದಾರೆ.
ಮಾನವೀಯ ಕಾರ್ಯ ಮಾಡುತ್ತಿರುವ ರಾಘವೇಂದ್ರ ಶೆಟ್ಟರ್