ಹುಬ್ಬಳ್ಳಿ: ಸಾರ್ವಜನಿಕ ಸ್ಥಳದಲ್ಲಿ ಅರೆನಗ್ನನಾಗಿ ದುರ್ವರ್ತನೆ, ಆರೋಪಿ ವಿರುದ್ಧ ಪ್ರಕರಣ

ರವಿವಾರ ರಾತ್ರಿ ಇಲ್ಲಿನ ನವನಗರದ ಕ್ಯಾನ್ಸರ್ ಆಸ್ಪತ್ರೆಯ ಎದುರಿನ ಬಸ್​​ ನಿಲ್ದಾಣದ ಬಳಿ, ವ್ಯಕ್ತಿಯೊಬ್ಬ ಬೈಕ್​ ಮೇಲೆ ಕುಳಿತುಕೊಂಡು ಅರೆನಗ್ನನಾಗಿ, ಅಸಭ್ಯವಾಗಿ ವರ್ತಿಸಿದ್ದಾನೆ. ಈತನ ದುರ್ವರ್ತನೆಗೆ ಯುವತಿಯರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಹುಬ್ಬಳ್ಳಿ: ವ್ಯಕ್ತಿಯೋರ್ವ ಸಾರ್ವಜನಿಕ ಸ್ಥಳದಲ್ಲಿ ಅರೆನಗ್ನನಾಗಿ ಯುವತಿಯರ ಮುಂದೆ ಅಸಭ್ಯವಾಗಿ ವರ್ತಿಸಿದ ಘಟನೆ ನಗರದಲ್ಲಿ ನಡೆದಿದೆ.

ಶಾಂತನಗರದ ನಿವಾಸಿ ಬಸವರಾಜ ದೇವರಗುಡಿ ದುರ್ವರ್ತನೆ ತೋರಿದ ಆರೋಪಿ. ಈತ ರವಿವಾರ ರಾತ್ರಿ ಇಲ್ಲಿನ ನವನಗರದ ಕ್ಯಾನ್ಸರ್ ಆಸ್ಪತ್ರೆಯ ಎದುರಿನ ಬಸ್​​ ನಿಲ್ದಾಣದ ಬಳಿ, ಬೈಕ್​ ಮೇಲೆ ಕುಳಿತುಕೊಂಡು ಅರೆನಗ್ನನಾಗಿ, ಅಸಭ್ಯವಾಗಿ ವರ್ತಿಸಿದ್ದಾನೆ.

ಈ ಬಗ್ಗೆ ನವನಗರ ಪೊಲೀಸ್ ಠಾಣೆಗೆ ಯುವತಿಯರು ದೂರು ನೀಡಿದ್ದು ಸ್ಥಳಕ್ಕೆ ದೌಡಾಯಿಸಿದ ಪೊಲೀಸರು ವ್ಯಕ್ತಿಗೆ ಲಾಠಿಯೇಟು ಕೊಟ್ಟು, ಠಾಣೆಗೆ ಕರೆದೊಯ್ದು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಆರೋಪಿ ಅಸಭ್ಯ ವರ್ತನೆಯನ್ನು ಸ್ಥಳೀಯರು ತಮ್ಮ ಮೊಬೈಲ್​ನಲ್ಲಿ​​ ಸೆರೆಹಿಡಿದು ಪೊಲೀಸರಿಗೆ ನೀಡಿದ್ದಾರೆ.