ಆಯೋಗ ಹೇಳಿದಂತೆ ಚುನಾವಣೆ ನಡೆಯುತ್ತೆ, ಬಿಜೆಪಿ ಹೇಳಿದಂತೆ ಅಲ್ಲ.. ಮಾಜಿ ಸಚಿವ ಶಾಮನೂರು

ದಾವಣಗೆರೆಯಲ್ಲಿ ಮಾತನಾಡಿದ ಕಾಂಗ್ರೆಸ್​​ನ ಹಿರಿಯ ಶಾಸಕ ಶಾಮನೂರು ಶಿವಶಂಕರಪ್ಪ ಅವರು ಆ ಬ್ಲ್ಯೂ ಫಾರಂ, ಮಾತೃ ಫಾರಂ ತೆಗೆದುಕೊಂಡು ನಾವೇನು ಮಾಡೋಣ ಎಂದಿದ್ದಾರೆ.

ದಾವಣಗೆರೆ:ಮಾಜಿ ಸಚಿವ ಹೆಚ್.ವಿಶ್ವನಾಥ್ ಅವರು ಬ್ಲ್ಯೂ ಫಿಲಂ ಹೀರೋ ಎಂಬ ಮಾಜಿ ಸಚಿವ ಸಾ. ರಾ. ಮಹೇಶ್​​ರ ಆರೋಪಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯಿಸಿರುವ ಕಾಂಗ್ರೆಸ್​​ನ ಹಿರಿಯ ಶಾಸಕ ಶಾಮನೂರು ಶಿವಶಂಕರಪ್ಪ, ಆ ಬ್ಲ್ಯೂ ಫಾರಂ, ಮಾತೃ ಫಾರಂ ತೆಗೆದುಕೊಂಡು ನಾವೇನು ಮಾಡೋಣ ಎಂದು ಹೇಳಿದ್ದಾರೆ.

ದಾವಣಗೆರೆಯಲ್ಲಿ ಮಾತನಾಡಿದ ಅವರು, 15 ಕ್ಷೇತ್ರಗಳ ಉಪಚುನಾವಣೆ ಕುರಿತಂತೆ ಈಗಾಗಲೇ ಚುನಾವಣಾ ಆಯೋಗ ದಿನಾಂಕ ಘೋಷಣೆ ಮಾಡಿದೆ. ಅನರ್ಹರು ಸುಪ್ರೀಂಕೋರ್ಟ್​ಗೆ ಅರ್ಜಿ ಹಾಕಿದ್ದಾರೆ. ಮುಂದೇನಾಗುತ್ತದೆ ಎಂದು ಕಾದು ನೋಡೋಣ ಎಂದರು.ಇನ್ನು, ಎಲ್ಲಾ ಪಕ್ಷದವರೂ ಉಪಚುನಾವಣೆಯಲ್ಲಿ ಸ್ಪರ್ಧಿಸುತ್ತಾರೆ. ಚುನಾವಣಾ ಆಯೋಗ ಹೇಳಿದಂತೆ ಚುನಾವಣೆ ನಡೆಯುತ್ತದೆಯೇ ವಿನಾ ಬಿಜೆಪಿಯವರು ಹೇಳಿದ ಹಾಗೆ ನಡೆಯೋದಿಲ್ಲ ಎಂದು ಮಾಧ್ಯಮದವರ ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.