ದಾವಣಗೆರೆ: ಜಿಲ್ಲೆಯಲ್ಲಿ ಸುರಿದ ಮಳೆ ಸಾಕಷ್ಟು ಅವಾಂತರ ಸೃಷ್ಟಿಸಿದೆ. ಮಳೆಗೆ ಶಾಲಾ ಕಟ್ಟಡ ಕುಸಿದು ಬಿದ್ದಿದ್ದರಿಂದ ಯಾರೋ ಖದೀಮರು ಶಾಲೆಯ UPS ಹೊತ್ತೊಯ್ದಿದ್ದಾರೆ.
ಶಾಲೆಯ ಯುಪಿಎಸ್ ಕಳುವು
ನಿನ್ನೆ ಸುರಿದ ಮಳೆಯ ಹೊಡೆತಕ್ಕೆ ದಾವಣಗೆರೆ ತಾಲೂಕಿನ ಹೂವಿನ ಮಡು ಗ್ರಾಮದಲ್ಲಿರುವ ಸರ್ಕಾರಿ ಶಾಲೆಯ ಕೆಲ ಕೊಠಡಿಗಳು ನೆಲಕಚ್ಚಿವೆ. ಮಳೆಯಿಂದ ಶಾಲೆಯ ಒಂದು ಭಾಗ ಜಖಂ ಆಗಿದೆ. ಅದೃಷ್ಟವಶಾತ್ ಶಾಲೆಯಲ್ಲಿ ಯಾರೂ ಇಲ್ಲದ ವೇಳೆ ಈ ಘಟನೆ ನಡೆದಿದೆ. ತಡರಾತ್ರಿ ಸುರಿದ ಮಳೆಗೆ ಶಾಲೆಯ ಕಂಪ್ಯೂಟರ್ ಕೊಠಡಿ ಸಂಪೂರ್ಣವಾಗಿ ಕುಸಿದಿದೆ. ಶಾಲಾ ಕೊಠಡಿ ಬಿದ್ದಿದ್ದರಿಂದ ಮೂರಕ್ಕೂ ಹೆಚ್ಚು ಕಂಪ್ಯೂಟರ್ಗಳಿಗೆ ಹಾನಿಯಾಗಿವೆ.