ಮುಳುಗಿದ ಸೇತುವೆಯಲ್ಲಿ ಬಸ್​ ಚಲಾಯಿಸಿದ ಚಾಲಕ...ಆಮೇಲೆ ಏನಾಯ್ತು?

ಮುಳುಗಿದ ಸೇತುವೆಯಲ್ಲಿಯೇ ಕೆಎಸ್ಆರ್​ಟಿಸಿ ಬಸ್ ಚಾಲಕ ಸೇತುವೆಯ ಮೇಲೆ ಸರಾಗವಾಗಿ ಬಸ್ ಚಲಾಯಿಸಿ ದಡ ಸೇರಿರುವ ವಿಡಿಯೋ ವೈರಲ್​ ಆಗಿದೆ.

ದಾವಣಗೆರೆ:ಮಲೆನಾಡಿನಲ್ಲಿ ಉತ್ತಮ‌ ಮಳೆಯಾದ ಹಿನ್ನೆಲೆಯಲ್ಲಿ ತುಂಗಾಭದ್ರ ಹೊಳೆ ಉಕ್ಕಿ ಹರಿಯುತ್ತಿರುವುದರಿಂದ ನದಿಯ ತಟದಲ್ಲಿರುವ ಹಳ್ಳಿಗಳು ಸಂಪೂರ್ಣ ಜಲಾವೃತವಾಗುವ ಸಾಧ್ಯತೆಯಿದ್ದು, ಕೆಲ‌ ಗ್ರಾಮಗಳ ಸಂಪರ್ಕ ಕಡಿತವಾಗಿವೆ.

ಬಳ್ಳಾರಿ ಜಿಲ್ಲೆಯ ಹರಪ್ಪನಹಳ್ಳಿ ತಾಲೂಕಿನ ಕಡತಿ, ಹಲವಾಗಲು ಗ್ರಾಮಗಳ ಸಂಪರ್ಕ ಸೇತುವೆ ಸಂಪೂರ್ಣವಾಗಿ ಮುಳುಗಿದೆ. ಆದರೆ, ಇದನ್ನು ಲೆಕ್ಕಿಸದ ಕೆಎಸ್ಆರ್​ಟಿಸಿ ಬಸ್ ಚಾಲಕ ಸೇತುವೆಯ ಮೇಲೆ ಸರಾಗವಾಗಿ ಬಸ್ ಚಲಾಯಿಸಿ ದಡ ಸೇರಿದ್ದಾರೆ.

ಒಂದು ಕಡೆ ಏನಾಗಬಹುದು ಎನ್ನುವ ಭಯದ ವಾತಾವರಣದಲ್ಲಿ ಪ್ರಯಾಣಿಕರು ಹೆದರಿದ್ದರು. ಆದರೆ, ಚಾಲಕನ ಧೈರ್ಯದಿಂದ ಬಸ್ ಚಲಾಯಿಸಿದ್ದಾರೆ. ಯಾಮಾರಿದರೂ ಬಸ್ ಹಳ್ಳಕ್ಕೆ ಬೀಳುವಂತ ಪರಿಸ್ಥಿತಿ ಇದೆ. ಚಾಲಕ ಸೇತುವೆ ದಾಟುವ ದೃಶ್ಯವನ್ನು ಪ್ರಯಾಣಿಕರೇ ಮೊಬೈಲ್​ನಲ್ಲಿ‌ ಸೆರೆ ಹಿಡಿದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.