ತುಂಗಾಭದ್ರ ನದಿಪಾತ್ರವನ್ನು ಸ್ವಚ್ಛಗೊಳಿಸಿದ ಜಗದ್ಗುರು ವಚನಾನಂದಶ್ರೀ

ವೀರಶೈವ ಪಂಚಮಸಾಲಿ ಪೀಠದ ಜಗದ್ಗುರು ವಚನಾನಂದಶ್ರೀ ತುಂಗಾಭದ್ರ ನದಿಪಾತ್ರದಲ್ಲಿ ಸ್ವಚ್ಛತಾ ಕಾರ್ಯ ಹಮ್ಮಿಕೊಂಡಿದ್ದಾರೆ. ಇದಕ್ಕೆ ನಗರದ ಗಣ್ಯವ್ಯಕ್ತಿಗಳು , ಸಾರ್ವಜನಿಕರು, ಕ್ರೀಡಾಪಟುಗಳು ಸಾಥ್​ ನೀಡಿದ್ದಾರೆ.

ದಾವಣಗೆರೆ: ವೀರಶೈವ ಪಂಚಮಸಾಲಿ ಪೀಠದ ಜಗದ್ಗುರು ವಚನಾನಂದಶ್ರೀ ತುಂಗಾಭದ್ರ ನದಿಪಾತ್ರದಲ್ಲಿ ಸ್ವಚ್ಛತಾ ಕಾರ್ಯ ಹಮ್ಮಿಕೊಂಡಿದ್ದಾರೆ.

ನನ್ನ ಊರು ನನ್ನ ಹೊಣೆ ಎಂಬ ಸಂಸ್ಥೆ ಇಂದು ತುಂಗಾಭದ್ರ ನದಿಯ ದಡದಲ್ಲಿರುವ ಕಸವನ್ನು ಸ್ವಚ್ಛ ಮಾಡುವ ಕಾರ್ಯಕ್ರಮವನ್ನು ಹಮ್ಮಿಕೊಂಡಿತ್ತು. ಈ ಅಭಿಯಾನಕ್ಕೆ ವಚನಾನಂದ‌ಶ್ರೀಗಳು ಚಾಲನೆ ನೀಡಿ, ನದಿ ದಡದಲ್ಲಿ ಶ್ರೀಗಳು ಸ್ವಚ್ಛತಾ ಕಾರ್ಯ ನಡೆಸಿದರು.

ಮಕರ ಸಂಕ್ರಾಂತಿ ಹಿನ್ನೆಲೆಯಲ್ಲಿ ಇಂದಿನಿಂದ ನದಿ ಪಾತ್ರದಲ್ಲಿ ಸ್ವಚ್ಛತಾ ಕಾರ್ಯ ಕೈಗೊಂಡಿದ್ದು, ಈ ಕಾರ್ಯಕ್ಕೆ ನಗರದ ಗಣ್ಯರು, ಪ್ರಮುಖರು, ನಗರಸಭೆ ಪೌರ ಕಾರ್ಮಿಕರು, ಕ್ರೀಡಾಪಟುಗಳು, ಸಾರ್ವಜನಿಕರು ಸಾಥ್ ನೀಡಿದ್ದಾರೆ. ಅಷ್ಟೆ ಅಲ್ಲದೆ ನದಿ ಪಾತ್ರದಲ್ಲಿದ್ದ ಕಸ, ಬಟ್ಟೆ, ಪ್ಲಾಸ್ಟಿಕ್​ಗಳನ್ನು ತೆಗೆದು ಸ್ವಚ್ಛತಾ ಕಾರ್ಯ ಮಾಡಿದರು.