ದಾವಣಗೆರೆ:ಹೊನ್ನಾಳಿ ಶಾಸಕ ಮತ್ತು ಸಿಎಂ ರಾಜಕೀಯ ಕಾರ್ಯದರ್ಶಿ ಎಂ.ಪಿ.ರೇಣುಕಾಚಾರ್ಯ ಅವರು ರಾಜ್ಯದ ಆರೋಗ್ಯ ಸಚಿವರಾಗಬೇಕೆಂದು ಕೋವಿಡ್ನಿಂದ ಗುಣಮುಖನಾದ ವ್ಯಕ್ತಿಯೊಬ್ಬ ಆಶಿಸಿದ್ದಾನೆ.
ಹೊನ್ನಾಳಿ ತಾಲೂಕಿನ ಅರಬಗಟ್ಟೆ ಕೋವಿಡ್ ಸೆಂಟರ್ನಲ್ಲಿ ಚಿಕಿತ್ಸೆ ಪಡೆದು ಗುಣಮುಖನಾಗಿ ಮನೆಗೆ ಮರಳುವ ವೇಳೆ ರೇಣುಕಾಚಾರ್ಯ ಅವರೇ ನೀವು ಆರೋಗ್ಯ ಸಚಿವರಾಗಬೇಕು. ನಿಮ್ಮ ಸೇವೆ ಇಡೀ ರಾಜ್ಯಕ್ಕೆ ಸಿಗಬೇಕು ಎಂದಿದ್ದಾನೆ.
ನೀವು ಕೋವಿಡ್ ಸೆಂಟರ್ನಲ್ಲಿ ಇದ್ದುಕೊಂಡು ನಮಗೆ ಧೈರ್ಯ ತುಂಬಿದ್ದೀರಿ. ನಿಮ್ಮನ್ನು ಆರೋಗ್ಯ ಸಚಿವರನ್ನಾಗಿ ಮಾಡಿದರೆ ರಾಜ್ಯಕ್ಕೆ ಒಳ್ಳೆಯದಾಗುತ್ತದೆ ಎಂದು ಕೋವಿಡ್ ಗೆದ್ದ ವ್ಯಕ್ತಿ ಶಾಸಕರ ಕಾರ್ಯವನ್ನು ಕೊಂಡಾಡಿದ್ದಾನೆ. ಕೇವಲ ಒಬ್ಬ ವ್ಯಕ್ತಿ ಮಾತ್ರವಲ್ಲದೆ ಕೋವಿಡ್ ಕೇರ್ ಸೆಂಟರ್ನಿಂದ ಮನೆಗೆ ಮರಳುವ ವೇಳೆ ಮಹಿಳೆಯರು ಕೂಡ ರೇಣುಕಾಚಾರ್ಯ ಅವರಿಗೆ ಧನ್ಯವಾದ ಹೇಳಿದರು.
ಆ್ಯಂಬುಲೆನ್ಸ್ ಹತ್ತಿ ಮನೆಗೆ ತೆರಳುವಾಗ ಮಹಿಳೆಯರು ಕಣ್ಣೀರು ಹಾಕಿದರು. ಕೋವಿಡ್ನಿಂದ ಗುಣಮುಖರಾದ ಎಲ್ಲರನ್ನು ಶಾಸಕ ರೇಣುಕಾಚಾರ್ಯ ಅವರೇ ಮುಂದೆ ನಿಂತು ಆ್ಯಂಬುಲೆನ್ಸ್ಗಳಲ್ಲಿ ಮನೆಗೆ ಕಳುಹಿಸಿಕೊಟ್ಟರು.
ಓದಿ : ಕೋವಿಡ್ ಸೆಂಟರ್ನಲ್ಲಿ ಡ್ಯಾನ್ಸ್, ಹೋಮ ಮಾಡಿದ ಶಾಸಕ ರೇಣುಕಾಚಾರ್ಯ ವಿರುದ್ಧ ದೂರು