ದಾವಣಗೆರೆ, ಹರಿಹರದಲ್ಲೂ ಎನ್​ಐಎ ದಾಳಿ: ಇಬ್ಬರ ವಿಚಾರಣೆ

ರಾಷ್ಟ್ರೀಯ ತನಿಖಾ ದಳವು ದಾವಣಗೆರೆ ಮತ್ತು ಹರಿಹರದಲ್ಲಿ ಪಿಎಫ್ಐ ಕಚೇರಿಗಳ ಮೇಲೆ ದಾಳಿ ನಡೆಸಿದ್ದು, ಇಬ್ಬರ ವಿಚಾರಣೆ ಮಾಡಿದ್ದಾರೆ.

ದಾವಣಗೆರೆ: ಎನ್​ಐಎ ಅಧಿಕಾರಿಗಳು ದಾವಣಗೆರೆ ಹಾಗೂ ಹರಿಹರದಲ್ಲಿ ದಾಳಿ ಮಾಡಿದ್ದು, ಇಬ್ಬರನ್ನು ವಿಚಾರಣೆ ನಡೆಸಿದ್ದಾರೆ. ದಾವಣಗೆರೆಯ ಎಂಸಿಸಿಬಿ ಬ್ಲಾಕ್​​ನಲ್ಲಿರುವ ಪಿಎಫ್​ಐ ಮುಖಂಡ ಇಮಾಮುದ್ದಿನ್ ವಿಚಾರಣೆ ನಡೆಸಿ, ರಾತ್ರಿ ಮೂರು ಗಂಟೆ ಸುಮಾರಿಗೆ ಆತನನ್ನು ವಶಕ್ಕೆ ಪಡೆದಿದೆ. ಎನ್​ಐಎ ತಂಡ ವಿಚಾರಣೆ ನಡೆಸುತ್ತಿದೆ.

ಅಷ್ಟೇ ಅಲ್ಲದೇ, ನೆರೆಯ ಹರಿಹರ ತಾಲೂಕಿನ ಅಬು ತಾಹೀರ್​ ಎಂಬಾತನ ವಿಚಾರಣೆಯನ್ನು, ದಾವಣಗೆರೆಯ ಕೆಟಿಜೆ ನಗರದಲ್ಲಿ ನಡೆಸಲಾಗುತ್ತಿದೆ. ಅಬು ತಾಹೀರ್ ಎಸ್​​ಡಿಪಿಐ, ಪಿಎಫ್​ಐ ಜೊತೆ ಲಿಂಕ್​ ಹೊಂದಿರುವ ಹಿನ್ನೆಲೆ ವಿಚಾರಣೆ ನಡೆಸಲಾಗಿದೆ ಎನ್ನಲಾಗ್ತಿದೆ. ಇನ್ನು ಅಬು ತಾಹೀರ್​​ನನ್ನು ಎನ್​ಐಎ ಅಧಿಕಾರಿಗಳು ಬಂಧಿಸಿದ್ದಾರೋ, ಇಲ್ಲವೋ ಎಂಬ ಮಾಹಿತಿ ಲಭ್ಯವಾಗಿಲ್ಲ.

ಇದನ್ನೂ ಓದಿ:ಮಂಗಳೂರಿನಲ್ಲಿ ಎನ್​ಐಎ ಪರಿಶೀಲನೆ ಮುಕ್ತಾಯ: ಮೂವರು ಪಿಎಫ್ಐ ಮುಖಂಡರು ವಶಕ್ಕೆ