ಮರದಿಂದ ಬಿದ್ದು ಮಂಗ ಸಾವು... ಗ್ರಾಮಸ್ಥರಿಂದ ಅಂತ್ಯಸಂಸ್ಕಾರ

ಮರದಿಂದ ಆಯತಪ್ಪಿ ಬಿದ್ದ ಕೋತಿಯೊಂದು ಸಾವನ್ನಪ್ಪಿದ್ದು, ಗ್ರಾಮಸ್ಥರು ಧಾರ್ಮಿಕ ವಿಧಿ ವಿಧಾನಗಳ ಮೂಲಕ ಕೋತಿಯ ಅಂತ್ಯ ಸಂಸ್ಕಾರ ನೆರವೇರಿಸಿದ್ದಾರೆ.

ದಾವಣಗೆರೆ: ಎಂದಿನಂತೆ ಮರವೇರಿ ಕೀಟಲೆ ಮಾಡುವ ಕೊತಿಗಳು ಇಂದು ಕೂಡ ಮರವೊಂದರಲ್ಲಿ ಕಚ್ಚಾಟ ಮಾಡಿಕೊಂಡಿವೆ. ಪರಿಣಾಮ ಒಂದು ಕೋತಿ ಮೇಲಿಂದ ಬಿದ್ದು ಸಾವನ್ನಪ್ಪಿದೆ.

ತಾಲೂಕಿನ ಆಲೂರು ಗ್ರಾಮದಲ್ಲಿ ಘಟನೆ ನಡೆದಿದ್ದು, ಮರವೊಂದರಲ್ಲಿ ಕೀಟಲೆ ಮಾಡಿಕೊಂಡಿದ್ದ ಕೋತಿಗಳ ನಡುವೆ ಕಚ್ಚಾಟ ಶುರುವಾಗಿದೆ. ಈ ವೇಳೆ ಮಂಗವೊಂದು ಮರದಿಂದ ಆಯತಪ್ಪಿ ಕೆಳಗೆ ಬಿದ್ದು ಸಾವನ್ನಪ್ಪಿದೆ.

ಇನ್ನು ಈ ದೃಶ್ಯವನ್ನು ಕಂಡ ಗ್ರಾಮಸ್ಥರ ಮನಕಲುಕಿದೆ. ಕೂಡಲೇ ಸಾವನ್ನಪ್ಪಿದ ಕೋತಿಗೆ ಗ್ರಾಮದಲ್ಲಿ ಮೆರವಣಿಗೆ ಮಾಡಿ, ಧಾರ್ಮಿಕ ವಿಧಿ ವಿಧಾನಗಳ ಮೂಲಕ ಅಂತ್ಯ ಸಂಸ್ಕಾರ ನೆರವೇರಿಸಿದ್ದಾರೆ.