ದಾವಣಗೆರೆ: ಕೆಲ ಆಕಾಂಕ್ಷಿಗಳಿಗೆ ಹಾಗೂ ಶಾಸಕ ಮುನಿರತ್ನ ಅವರಿಗೆ ಸಚಿವ ಸ್ಥಾನ ನೀಡುವ ಬಗ್ಗೆ ಮುಖ್ಯಮಂತ್ರಿ ಅವರು ಎಲ್ಲ ಸರಿ ಮಾಡ್ತಾರೆ, ಮುಂದೆ ಎಲ್ಲಾ ಸರಿಯಾಗುತ್ತದೆ ಎಂದು ಸಚಿವ ಬಿ ಸಿ ಪಾಟೀಲ್ ಹೇಳಿದ್ದಾರೆ.
ಸಚಿವ ಬಿ ಸಿ ಪಾಟೀಲ್ ಪ್ರತಿಕ್ರಿಯೆ
ನಗರದಲ್ಲಿ ಮಾತನಾಡಿದ ಸಚಿವರು, ಸಿಡಿ ವಿಚಾರವಾಗಿ ಪ್ರತಿಕ್ರಿಯಿಸಿದರು. ಯಾರು ಬ್ಲ್ಯಾಕ್ ಮೇಲ್ ಮಾಡಿದ್ದಾರೋ, ಇನ್ಯಾರು ವೈಟ್ ಮೇಲ್ ಮಾಡಿದ್ದಾರೋ ಅನ್ನೋದು ನಂಗೆ ಗೊತ್ತಿಲ್ಲ. ಇಲ್ಲಿವರೆಗೂ ಇಲ್ಲದ ಸಿಡಿ ಇವಾಗ ಹೇಗೆ ಬರುತ್ತೆ, ಮಂತ್ರಿ ಸ್ಥಾನ ಸಿಗದಿದ್ದಾಗ ಸಿಡಿ ಬಾಂಬ್ ಅಂತ ಹೇಳ್ತಾರೆ. ಇದೊಂಥರ ಬ್ಲ್ಯಾಕ್ ಮೇಲ್ ಅಲ್ವಾ? ಎಂದು ಕೃಷಿ ಸಚಿವ ಬಿ ಸಿ ಪಾಟೀಲ್ ಕೆಲ ರೆಬಲ್‌ ಶಾಸಕರಿಗೆ ಟಾಂಗ್ ನೀಡಿದರು.