ದಾವಣಗೆರೆ:ಜಿಲ್ಲೆಯ ಹೊನ್ನಾಳಿ ತಾಲೂಕಿನ ಫಲವನಹಳ್ಳಿಯಲ್ಲಿ ಕೂಲಿ ಕಾರ್ಮಿಕ ಮಹಿಳೆಯನ್ನು ಕೊಂದು ಇಡೀ ಗ್ರಾಮಸ್ಥರಲ್ಲಿ ಆತಂಕ ಸೃಷ್ಟಿಸಿದ್ದ ಚಿರತೆ ಸೆರೆಯಾಗಿದೆ.
ದಾವಣಗೆರೆ ಜಿಲ್ಲೆಯ ಹೊನ್ನಾಳಿ ತಾಲೂಕಿನ ಅಲದಹಳ್ಳಿ ಹಾಗೂ ಮುಷ್ಯಾನ ಹಾಳ್ ಗ್ರಾಮದ ಬಳಿ ಇರಿಸಲಾಗಿದ್ದ ಬೋನ್ನಲ್ಲಿ ಚಿರತೆ ಸೆರೆಯಾಗಿದ್ದು, ಇಡೀ ಗ್ರಾಮಸ್ಥರು ನಿಟ್ಟುಸಿರು ಬಿಟ್ಟಿದ್ದಾರೆ.
ಬೋನ್ನಲ್ಲಿ ಸೆರೆಯಾದ ಚಿರತೆ: ಹೊನ್ನಾಳಿ ಅರಣ್ಯ ವ್ಯಾಪ್ತಿಗೆ ಬರುವ ಅಲದಹಳ್ಳಿ ಹಾಗೂ ಮುಷ್ಯಾನ ಹಾಳ್ ಗ್ರಾಮಗಳ ಗಡಿಭಾಗದಲ್ಲಿ ಚಿರತೆ ಸೆರೆಗೆ ಅರಣ್ಯ ಇಲಾಖೆಯ ಸಿಬ್ಬಂದಿ ಎರಡು ಬೋನುಗಳನ್ನು ಅಳವಡಿಕೆ ಮಾಡಿದ್ದರು. ಎರಡು ಬೋನುಗಳ ಪೈಕಿ ಒಂದರಲ್ಲಿ ಈ ಪುಂಡ ಚಿರತೆ ಸೆರೆಯಾಗಿದೆ.
ದಾವಣಗೆರೆಯಲ್ಲಿ ಚಿರತೆ ಸೆರೆ