ಸಂಭ್ರಮದಿಂದ ಗಂಧದಗುಡಿ ಸಿನಿಮಾ ಕಣ್ತುಂಬಿಕೊಂಡ ಅಪ್ಪು ಅಭಿಮಾನಿಗಳು

ಪುನಿತ್​ ರಾಜ್​ಕುಮಾರ್​ ಅವರ ಗಂಧದಗುಡಿಗೆ ದಾವಣಗೆರೆ ಜನ ಮುಂಜಾನೆಯಿಂದಲೇ ಚಿತ್ರ ಮಂದಿರದ ಎದುರು ಜಮಾಯಿಸಿದ್ದರು. ಮೊದಲ ಶೋಗೆ 4 ಗಂಟೆಯಿಂದಲೇ ಜನ ಬಂದು ಟಿಕೆಟ್​ಗೆ ಕಾದು ನಿಂತಿದ್ದರು.

ದಾವಣಗೆರೆ:ನಗರದ ವಸಂತ ಸಿನಿಮಾ ಮಂದಿರದಲ್ಲಿ ಗಂಧದಗುಡಿ ಪ್ಯಾನ್ಸ್ ಶೋ ಆರಂಭವಾಗಿದೆ. ವಸಂತ ಥೀಯಟರ್ ಬಳಿ ಜಮಾಯಿಸಿದ ಅಭಿಮಾನಿಗಳು ಥಿಯೇಟರ್​ಗೆ ಬಾಳೆ ಕಂದು ಮಾವಿನ ತೋರಣ ಕಟ್ಟಿ ಸಂಭ್ರಮಿಸಿದರು. ಚಿತ್ರಮಂದಿರವನ್ನು ಮದುವೆ ದಿಬ್ಬಣದ ರೀತಿ ಸಿಂಗರಿಸಿದ ಅಭಿಮಾನಿಗಳು, ಮೊದಲ ಶೋ ನೋಡಲು ಬೆಳಗ್ಗೆ 4 ಗಂಟೆಯಿಂದಲೇ ಕಾದು ಕುಳಿತಿದ್ದರು.

ಅಪ್ಪು ಪೋಟೋ, ಬಾವುಟ ಹಿಡಿದು, ಪ್ಲೆಕ್ಸ್​ಗಳನ್ನು ಕಟ್ಟಿ ಅಭಿಮಾನ ವ್ಯಕ್ತಪಡಿಸಿದ ಅಭಿಮಾನಿಗಳು. ಚಿತ್ರಮಂದಿರದಲ್ಲಿ ಅಭಿಮಾನಿಗಳಿಂದ ಹರ್ಷೋದ್ಗಾರ ಮನೆ‌ಮಾಡಿದ್ದು, ತೆರೆಯ ಮೇಲೆ ಅಪ್ಪು ಚಿತ್ರ ಕಂಡ ತಕ್ಷಣ ಕೇಕೆ ಹಾಕಿ ಅಪ್ಪು ಅಪ್ಪು ಎಂದು ಕೂಗುತ್ತಾ. ಅಪ್ಪು ಬಾವುಟ ಫೋಟೋ ಹಿಡಿದು ಸಿನಿಮಾ ವೀಕ್ಷಣೆ ಮಾಡಿದರು.

ಅಪ್ಪು ಫ್ಲೆಕ್ಸ್​ಗೆ ಹಾಲಿನ ಅಭಿಷೇಕ :ಅಪ್ಪು ಫ್ಲೆಕ್ಸ್ ಹಾಗೂ ಕಟೌಟ್​​ಗೆ ಅಭಿಮಾನಿಗಳು ಹಾಲಿನ ಅಭಿಷೇಕ ಮಾಡಿ, ಪುಷ್ಪಾರ್ಚನೆ ನೆರವೇರಿಸಿ ಅಗರಬತ್ತಿ ಬೆಳಗುವ ಮೂಲಕ ಅಭಿಮಾನ ಮರೆದರು. ಇಡೀ ದಿನ ಹಲವು ಕಾರ್ಯಕ್ರಮ ಹಮ್ಮಿಕೊಂಡಿರುವ ಅಭಿಮಾನಿಗಳು, ರಕ್ತ ದಾನ, ಅಪ್ಪು ದೀಪೋತ್ಸವ, ಸೇರಿದಂತೆ ಹಲವು ಕಾರ್ಯಕ್ರಮ ನೆರವೇರಿಸುವಲು ಮುಂದಾಗಿದ್ದಾರೆ.

ಇದನ್ನೂ ಓದಿ :ಅಪ್ಪು ಗಂಧದಗುಡಿ ಪ್ರಿಮಿಯರ್ ಶೋ ನೋಡಿ‌ ಭಾವುಕರಾದ ಅಭಿಮಾನಿಗಳು