ನಮ್ಮ ಹೋರಾಟದ ಹಿಂದೆ ಆರ್​​ಎಸ್​​ಎಸ್ ಕೈವಾಡವಿದೆ ಎಂಬುದು ಸತ್ಯಕ್ಕೆ ದೂರ: ಹೆಚ್.ಎಂ ರೇವಣ್ಣ

ಕುರುಬರ ಎಸ್​​ಟಿ ಹೋರಾಟಕ್ಕೆ ಸಿದ್ದರಾಮಯ್ಯ ಅವರ ವಿರೋಧವಿಲ್ಲ. ಮೇಲಾಗಿ ಕನಕ ಗುರುಪೀಠದ ಸ್ವಾಮೀಜಿಗಳು ಸಿದ್ದರಾಮಯ್ಯ ಅವರಿಗೆ ಈ ವಿಚಾರ ತಿಳಿಸಿ ಹೋರಾಟಕ್ಕೆ ಮುಂದಾಗಿದ್ದಾರೆ.

ದಾವಣಗೆರೆ: ನಮ್ಮ ಹೋರಾಟದ ಹಿಂದೆ ಆರ್​ಎಸ್​​ಎಸ್ ಕೈವಾಡವಿದೆ ಎಂಬುದು ಸತ್ಯಕ್ಕೆ ದೂರವಾದುದು ಎಂದು ಮಾಜಿ ಸಾರಿಗೆ ಸಚಿವ ಹೆಚ್.ಎಮ್. ರೇವಣ್ಣ ಗೊಂದಲವನ್ನು ದೂರ ‌ಮಾಡಿದರು.

ದಾವಣಗೆರೆ ನಗರದ ಹದಡಿ ರಸ್ತೆಯಲ್ಲಿ ಇರುವ ಕುರುಬರ ಹಾಸ್ಟೆಲ್​​​​ನಲ್ಲಿ ‌ನಡೆದ ಎಸ್​​ಟಿ ಹೋರಾಟ ಪೂರ್ವ ಸಿದ್ದತಾ ಸಭೆಯ ಮುಂಚಿತವಾಗಿ ಮಾತನಾಡಿದರು. ಕುರುಬರ ಎಸ್​​ಟಿ ಹೋರಾಟಕ್ಕೆ ಸಿದ್ದರಾಮಯ್ಯ ವಿರೋಧವಿಲ್ಲ. ಮೇಲಾಗಿ ಕನಕ ಗುರುಪೀಠದ ಸ್ವಾಮೀಜಿಗಳು ಸಿದ್ದರಾಮಯ್ಯ ಅವರಿಗೆ ಈ ವಿಚಾರ ತಿಳಿಸಿ ಹೋರಾಟಕ್ಕೆ ಮುಂದಾಗಿದ್ದಾರೆ.

ಕುರುಬ ಸಮಾಜ ಯಾವೊಬ್ಬ ಜನ ಪ್ರತಿನಿಧಿ ಎಸ್​​ಟಿ ಹೋರಾಟ ಬೇಡ ಎಂದಿಲ್ಲ. ನಮ್ಮ ಹೋರಾಟದ ಹಿಂದೆ ಆರ್​ಎಸ್​​ಎಸ್ ಕೈವಾಡವಿದೆ ಎಂಬುದು ಸತ್ಯಕ್ಕೆ ದೂರವಾದ ವಿಚಾರ. ಈ ವಿಚಾರದ ಬಗ್ಗೆ ಸಿದ್ದರಾಮಯ್ಯ ಅವರಿಗೆ ಹೇಗೆ ಮಾಹಿತಿ ಇದೆ ಎಂಬುದು ಗೊತ್ತಿಲ್ಲ ಎಂದರು.