ದಾವಣಗೆರೆಯಲ್ಲಿ ಹೊತ್ತಿ ಉರಿದ ಎಲೆಕ್ಟ್ರಿಕ್​​​​​​​ ಬೈಕ್​​​ ಶೋ ರೂಮ್​​​​​!

ದಾವಣಗೆರೆಯಲ್ಲಿ ಹೊಸದಾಗಿ ಆರಂಭವಾಗಿರುವ ಎಲೆಕ್ಟ್ರಿಕ್​​​ ಬೈಕ್ ಶೋ ರೂಮ್​​ನಲ್ಲಿ ಬೆಂಕಿ ಕಾಣಿಸಿಕೊಂಡು ಇಡೀ ಶೋ ರೂಮ್​​​ ಧಗ ಧಗ ಹೊತ್ತಿ ಉರಿದಿದೆ.

ದಾವಣಗೆರೆ: ಶಾರ್ಟ್ ಸರ್ಕ್ಯೂಟ್​​ನಿಂದಾಗಿ ನಗರದ ಲಾಯರ್ ರಸ್ತೆಯಲ್ಲಿರುವ ಎಲೆಕ್ಟ್ರಿಕ್​​ ಬೈಕ್ ಶೋ ರೂಮ್​​ಗೆ ಬೆಂಕಿ ತಗುಲಿದ್ದು, ಧಗ ಧಗನೆ ಹೊತ್ತಿ ಉರಿದಿದೆ.

ಮಧ್ಯಾಹ್ನ 2.30ರ ಸುಮಾರಿಗೆ ಬೆಂಕಿ ಕಾಣಿಸಿಕೊಂಡಿದೆ. ಅಕ್ಕಪಕ್ಕದಲ್ಲಿ ಮನೆಗಳು, ಮಳಿಗೆಗಳು ಇದ್ದರಿಂದ ಬೆಂಕಿ ಹೊತ್ತಿಕೊಳ್ಳುತ್ತಿದ್ದಂತೆ ಜನರು, ಮಹಿಳೆಯರು ಆತಂಕದಿಂದ ಮನೆಯಿಂದ ಹೊರ ಓಡಿ ಬಂದರು. ಸುಮಾರು 50 ಸಾವಿರ ಬೈಕ್​ಗಳಿದ್ದ ಶೋ ರೂಮ್​​​​​​ ಇದಾಗಿದ್ದು, ಹನ್ನೆರಡಕ್ಕೂ ಹೆಚ್ಚು ಬೈಕ್​​ಗಳು ಸುಟ್ಟು ಕರಕಲಾಗಿವೆ. ಇದರಿಂದ ಲಕ್ಷಾಂತರ ರೂಪಾಯಿ ನಷ್ಟ ಸಂಭವಿಸಿದೆ.

ಕೆಲ ದಿನಗಳ ಹಿಂದೆಯಷ್ಟೇ ಈ ಶೋ ರೂಮ್​​ ಉದ್ಘಾಟನೆ ಆಗಿತ್ತು. ಬ್ಯಾಟರಿ ಚಾಲಿತ ಸ್ಕೂಟಿ ಶೋ ರೂಮ್​​ ಇದಾಗಿದೆ. ದಾವಣಗೆರೆಗೆ ಪರಿಚಯಿಸಿ ಇನ್ನು ಹದಿನೈದು ದಿನಗಳಾಗಿರಲಿಲ್ಲ.‌ ಶೋ ರೂಮ್​ಗೆ ಬೆಂಕಿ ಹರಡುತ್ತಿದ್ದಂತೆ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಲಾಯಿತು. ಸ್ಥಳಕ್ಕೆ ಆಗಮಿಸಿದ ಸಿಬ್ಬಂದಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.