'ಉಪಾಧ್ಯಕ್ಷ' ಚಿತ್ರತಂಡ
ದಾವಣಗೆರೆ: ನಾನು 'ಉಪಾಧ್ಯಕ್ಷ'ನಾಗಿ ಮೊದಲ ಬಾರಿಗೆ ನಾಯಕನಟನಾಗಿ ತೆರೆಮೇಲೆ ಬರಲಿದ್ದೇನೆ. ಅಧ್ಯಕ್ಷನಂತೆ ಈ ನಿಮ್ಮ ಉಪಾಧ್ಯಕ್ಷನನ್ನು ಹರಸಿ, ಹಾರೈಸಿ ಎಂದು ಉಪಾಧ್ಯಕ್ಷ ಚಿತ್ರದ ನಾಯಕ ನಟ ಚಿಕ್ಕಣ್ಣ ರಾಜ್ಯದ ಜನರಲ್ಲಿ ಮನವಿ ಮಾಡಿಕೊಂಡರು.
ಇಂದು ದಾವಣಗೆರೆಯಲ್ಲಿ ನಡೆದ ಪತ್ರಿಕಾಗೋಷ್ಠಿ ಉದ್ದೇಶಿಸಿ ಮಾತನಾಡಿದ ಅವರು, ಉಮಾಪತಿ ಪ್ರೊಡಕ್ಷನ್ನಲ್ಲಿ ತಯಾರಾಗಿರುವ ಬಹು ನಿರೀಕ್ಷಿತ ಚಿತ್ರ ಇದಾಗಿದೆ. ಈ ಸಿನಿಮಾದಲ್ಲಿ ಡಬಲ್‌ ಮೀನಿಂಗ್ ಡೈಲಾಗ್ಗಳಿಲ್ಲ. ಬದಲಿಗೆ ಸ್ವಕುಟಂಬ ಸಮೇತ ವೀಕ್ಷಣೆ ಮಾಡಬಹುದಾದ ಹಾಸ್ಯಭರಿತ ಚಿತ್ರವಿದು. ನಾನು 220ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟನೆ ಮಾಡಿದ್ದೇನೆ. ಇದೇ ಮೊಟ್ಟ ಮೊದಲ ಬಾರಿಗೆ ಉಪಾಧ್ಯಕ್ಷ ಸಿನಿಮಾದಲ್ಲಿ ನಾಯಕ ನಟನಾಗಿ ಬಣ್ಣ ಹಚ್ಚಿದ್ದೇನೆ. ಸೈಡ್ ಆ್ಯಕ್ಟರ್ ಆಗಿ ನಟನೆ ಮಾಡುವುದು ಸುಲಭ. ಆದ್ರೆ ನಾಯಕ ನಟನಾಗಿ ನಟನೆ ಮಾಡುವುದು ಬಲು ಕಷ್ಟ ಎಂದರು. ಇದನ್ನೂ ಓದಿ:ಬಿಗ್ ಬಾಸ್: ಮತ್ತೊಂದು ಟಾಸ್ಕ್‌, ಮತ್ತಷ್ಟು ರಿಸ್ಕ್‌; ಸಂಗೀತಾ - ವರ್ತೂರ್ ಅಸಮಾಧಾನ!