ದಾವಣಗೆರೆ: ಬಡವರಿಗೆ ಆಸರೆಯಾಗುತ್ತಿದ್ದಾರೆ ವಿದೇಶದಿಂದ ಬಂದ ಉದ್ಯಮಿ

ವಿದೇಶದಿಂದ ಬಂದ ಉದ್ಯಮಿಯೊಬ್ಬರು ನಿತ್ಯ ಆಟೋ ಚಾಲಕರಿಗೆ, ಕೂಲಿ ಕಾರ್ಮಿಕರಿಗೆ ಒಂದೂವರೆ ಸಾವಿರ ಕಿಟ್ ವಿತರಣೆ ಮಾಡುತ್ತಿದ್ದು, ಕೊರೊನಾ ವಾರಿಯರ್ಸ್​ಗೆ ಎಲೆಕ್ಟ್ರಾನಿಕ್ ಹಬೆ ಯಂತ್ರ ನೀಡಿದ್ದಾರೆ.

ದಾವಣಗೆರೆ:ವಿದೇಶದಿಂದ ಬಂದ ಉದ್ಯಮಿಯೊಬ್ಬರು ಬಡವರಿಗೆ ಆಸರೆಯಾಗುತ್ತಿದ್ದಾರೆ. ದಾವಣಗೆರೆ ಜಿಲ್ಲೆಯ ಹರಿಹರ ತಾಲೂಕಿನ ಶ್ರೀನಿವಾಸ್ ನಂದಿಗಾವಿ ಎನ್ನುವವರು ನಿತ್ಯ ಆಟೋ ಚಾಲಕರಿಗೆ, ಕೂಲಿ ಕಾರ್ಮಿಕರಿಗೆ ಒಂದೂವರೆ ಸಾವಿರ ಕಿಟ್ ವಿತರಣೆ ಮಾಡುತ್ತಿದ್ದು, ಕೊರೋನಾ ವಾರಿಯರ್ಸ್​ಗೆ ಎಲೆಕ್ಟ್ರಾನಿಕ್ ಹಬೆ ಯಂತ್ರವನ್ನು ಕೂಡ ನೀಡಿದ್ದಾರೆ.

ಹಾಂಕಾಂಗ್ ಸೇರಿದಂತೆ ಹಲವು ದೇಶಗಳಲ್ಲಿ ಮಾರ್ಕೆಟಿಂಗ್ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ ಶ್ರೀನಿವಾಸ್ ಕೋವಿಡ್ ಸಂದರ್ಭದಲ್ಲಿ ತನ್ನೂರಿಗೆ ಬಂದು ಜನರ ಕಷ್ಟಕ್ಕೆ ಆಸರೆ ಆಗುತ್ತಿದ್ದಾರೆ.

ಕಳೆದ ಲಾಕ್​ಡೌನ್ ಸಂದರ್ಭದಲ್ಲಿ 20 ಸಾವಿರ ಕಿಟ್​ಗಳನ್ನು ನೀಡಿ, ಕೊರೊನಾ ವಾರಿಯರ್ಸ್​ಗೆ ಮೆಡಿಕಲ್ ಕಿಟ್​ಗಳನ್ನು ನೀಡಲಾಗಿತ್ತು. ಈ ಬಾರಿ ಕೂಡ ಅದೇ ರೀತಿ ಲಾಕ್​ಡೌನ್ ಮಾಡಿದ್ದು, ಸಾಕಷ್ಟು ಜನರು ಸಂಕಷ್ಟಕ್ಕೆ ಓಳಗಾಗಿದ್ದಾರೆ. ಅದ್ದರಿಂದ ಈ ಬಾರಿ ಕೂಡ 25 ಸಾವಿರ ಮಾಸ್ಕ್, 30 ಸಾವಿರ ರೇಷನ್‌ ಕಿಟ್ ಹಾಗೂ ಕೊರೊನಾ ವಾರಿಯರ್ಸ್​ಗೆ ಎಲೆಕ್ಟ್ರಾನಿಕ್ ಹಬೆ ಯಂತ್ರಗಳನ್ನು ನೀಡುತ್ತಿದ್ದೇನೆ ಎಂದರು.