ಮಂಗಳೂರು : ಪೋರ್ಚುಗೀಸರ ವಿರುದ್ಧ ಹೋರಾಡಿದ ಭಾರತದ ಪ್ರಥಮ ಮಹಿಳೆಯೆಂಬ ಖ್ಯಾತಿ ಹೊಂದಿರುವ ಅಪ್ರತಿಮ ಧೈರ್ಯಶಾಲಿ ಉಳ್ಳಾಲದ ರಾಣಿ ಅಬ್ಬಕ್ಕಳ ಚಿತ್ರ ಬಿಡಿಸುವ ಮೂಲಕ ಯುವ ಕಲಾವಿದ ಸಾತ್ವಿಕ್ ನೆಲ್ಲಿತೀರ್ಥ 74ನೇ ಸ್ವಾತಂತ್ರ್ಯದ ದಿನದ ಸಂದರ್ಭದಲ್ಲಿ ವಿಶೇಷ ನಮನ ಸಲ್ಲಿಸಿದ್ದಾರೆ.
ಅಬ್ಬಕ್ಕಳ ಚಿತ್ರ ಬಿಡಿಸಿದ ಸಾತ್ವಿಕ್ ನೆಲ್ಲಿತೀರ್ಥ
ಶುಭ್ರ ವಸ್ತ್ರದಲ್ಲಿ ವೀರಗಚ್ಚೆ ಧರಿಸಿ, ವೀರಾವೇಶದಿಂದ ಹೇಷಾರವ ಮಾಡುತ್ತಿರುವ ಕುದುರೆಯ ಮೇಲೆ ಕುಳಿತಿರುವ ಅಬ್ಬಕ್ಕ, ಕೈಯಲ್ಲಿ ಪಂಜು ಹಿಡಿದು ಯುದ್ಧದಲ್ಲಿ ಪೋರ್ಚುಗೀಸರ ವಿರುದ್ಧ ಹೋರಾಡುತ್ತಿರುವುದು, ಅಬ್ಬಕ್ಕಳ ಸೈನ್ಯದ ದಾಳಿಗೆ ಪೋರ್ಚುಗೀಸರ ನೌಕೆಗಳು ಹೊತ್ತಿ ಉರಿಯುತ್ತಿರುವುದನ್ನು ಚಿತ್ರದಲ್ಲಿ ತೋರಿಸಲಾಗಿದೆ. ಚಿತ್ರದಲ್ಲಿ ತುಳುನಾಡಿನ ಬಾವುಟವೂ ಕಾಣ ಸಿಗುತ್ತದೆ. ಆಕರ್ಷಕವಾಗಿ ಮೂಡಿ ಬಂದಿರುವ ರಾಣಿಯ ಚಿತ್ರವನ್ನು ಸ್ವಾತಂತ್ರ್ಯ ದಿನಾಚರಣೆಯಂದು ಬಿಡುಗಡೆ ಮಾಡಲಾಗಿದೆ.