ಸಮುದ್ರದಲ್ಲಿ ಡ್ರೆಡ್ಜರ್ ಒಳಗೆ ನುಗ್ಗಿದ ನೀರು...13 ಸಿಬ್ಬಂದಿಯ ರಕ್ಷಣೆ

ಮಂಗಳೂರು ಸಮುದ್ರ ತೀರದಲ್ಲಿ ಹೂಳು ತೆಗೆಯುವ ಡ್ರೆಡ್ಜರ್​ಗೆ ನೀರು ನುಗ್ಗಿದ್ದು, ಡ್ರಡ್ಜರ್ ಒಳಗಿದ್ದ 13 ಮಂದಿ ಸಿಬ್ಬಂದಿಯನ್ನು ರಕ್ಷಿಸಲಾಗಿದೆ.

ಮಂಗಳೂರು:ಇಲ್ಲಿನ ಸಮುದ್ರ ತೀರದಲ್ಲಿ ಹೂಳು ತೆಗೆಯುವ ಡ್ರೆಡ್ಜರ್​​ವೊಂದಕ್ಕೆ ನೀರು ಒಳನುಗ್ಗಿದ ಪರಿಣಾಮ ಅಪಾಯಕ್ಕೆ ಸಿಲುಕಿದ್ದ 13 ಮಂದಿ ಸಿಬ್ಬಂದಿಯನ್ನು ರಕ್ಷಿಸಲಾಗಿದೆ.

ತ್ರಿದೇವಿ ಪ್ರೇಮ್ ಎಂಬ ಡ್ರೆಡ್ಜರ್ ಕೆಟ್ಟು ನಿಂತಿತ್ತು. ಈ ಡ್ರೆಡ್ಜರ್​​ಗೆ ರಾತ್ರಿ 2.30ರ ವೇಳೆಗೆ ಸಮುದ್ರದ ನೀರು ಒಳನುಗ್ಗಲು ಆರಂಭಿಸಿದ್ದು, ಡ್ರೆಡ್ಜರ್​​ನಲ್ಲಿದ್ದ 13 ಸಿಬ್ಬಂದಿ ಅಪಾಯಕ್ಕೆ ಸಿಲುಕಿದ್ದರು. ಇದರ ಬಗ್ಗೆ ಮಾಹಿತಿ ಪಡೆದ ಕೋಸ್ಟ್ ಗಾರ್ಡ್ ರಕ್ಷಣಾ ಬೋಟ್ ಐಸಿಜಿಎಸ್ ಅಮರ್ತ್ಯ ರಕ್ಷಣಾ ಕಾರ್ಯ ಆರಂಭಿಸಿ ಡ್ರೆಡ್ಜರ್​​ನಲ್ಲಿದ್ದ 13 ಮಂದಿಯನ್ನು ರಕ್ಷಿಸಲಾಗಿದೆ.