ದಾರಿ ಮಧ್ಯೆ ಬಸ್​ ನಿಲ್ಲಿಸಿ ಮತ ಹಾಕಿದ ಬಸ್​ ಚಾಲಕ: ವಿಡಿಯೋ ವೈರಲ್​

ದೇಶಾದ್ಯಂತ ನಿನ್ನೆ 2ನೇ ಹಂತದ ಮತದಾನ ಬಹುತೇಕ ಶಾಂತಿಯುತವಾಗಿ ನಡೆದಿದೆ. ಈ ನಡುವೆ ಬಸ್​ ಚಾಲಕನೊಬ್ಬ ತನ್ನ ಮತಗಟ್ಟೆ ಸಮೀಪ ಬಸ್​​ ನಿಲ್ಲಿಸಿ ಮತದಾನ ಮಾಡಿದ್ದಾನೆ. ಈ ವಿಡಿಯೋ ಇದೀಗ ವೈರಲ್ ಆಗಿದೆ.

ಮಂಗಳೂರು:ಮತ ಚಲಾವಣೆ ಮಾಡುವ ಉದ್ದೇಶದಿಂದ ಬಸ್​ ಚಾಲಕನೊಬ್ಬ ತನ್ನ ಮತಗಟ್ಟೆ ಸಮೀಪ ಬಸ್​​ ನಿಲ್ಲಿಸಿ ಮತದಾನ ಮಾಡಿದ ವಿಡಿಯೋವೊಂದು ಇದೀಗ ವೈರಲ್ ಆಗಿದೆ.

ದಕ್ಷಿಣಕನ್ನಡ ಜಿಲ್ಲೆಯ ಮೂಡಬಿದ್ರೆ ತಾಲೂಕಿನಲ್ಲಿ ಈ ದೃಶ್ಯ ಕಂಡುಬಂದಿದ್ದು ಬಸ್​ ಚಾಲಕ ಓಡೋಡಿ ಮತ ಚಲಾವಣೆಗೆ ಹೋಗುತ್ತಿರುವ ದೃಶ್ಯ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಮಂಗಳೂರು - ಶಿವಮೊಗ್ಗ ಬಸ್ ಚಾಲಕರಾಗಿರುವ ವಿಜಯ್ ಶೆಟ್ಟಿ ಎಂಬುವರು ಮೂಡಬಿದ್ರೆಯ ಬೆಳುವಾಯಿಯಲ್ಲಿರುವ‌ ತಮ್ಮ ಮತಗಟ್ಟೆ ಸಮೀಪ ಬಸ್​​ ನಿಲ್ಲಿಸಿ ಮತದಾನ ಮಾಡಿದ್ದಾರೆ. ಈ ವಿಡಿಯೋ ಇದೀಗ ವೈರಲ್ ಆಗಿದೆ.