ಮಂಗಳೂರು : ಕರಾವಳಿ ಜಿಲ್ಲೆ ದಕ್ಷಿಣ ಕನ್ನಡ ಮತ್ತು ಉಡುಪಿಯಲ್ಲಿ ತುಳು ಪ್ರತಿಯೊಬ್ಬರ ಅಭಿಮಾನದ ಭಾಷೆ. ಕರಾವಳಿಯಿಂದ ಮುಂಬೈಗೆ ತೆರಳಿ ಬಾಲಿವುಡ್ ಸ್ಟಾರ್ ಗಳಾದ ಸುನಿಲ್ ಶೆಟ್ಟಿ, ಐಶ್ವರ್ಯ ರೈ ತುಳು ಭಾಷೆಯನ್ನು ಪ್ರೀತಿಸುತ್ತಾರೆ. ನಿನ್ನೆ ಅಬುಧಾಬಿಯಲ್ಲಿ ನಡೆದ IIFA ಅವಾರ್ಡ್ ನಲ್ಲಿ ಬಾಲಿವುಡ್ ಸ್ಟಾರ್ ಗಳಾದ ಸುನಿಲ್ ಶೆಟ್ಟಿ, ಐಶ್ವರ್ಯ ರೈ ಭಾಗಿಯಾಗಿದ್ದರು. ಈ ಸಂದರ್ಭದಲ್ಲಿ ಕಾರ್ಯಕ್ರಮದ ಬಗ್ಗೆ ಮಾತನಾಡುತ್ತಿದ್ದ ಸುನಿಲ್ ಶೆಟ್ಟಿ ಮತ್ತು ಐಶ್ವರ್ಯ ರೈ ಬಳಿ ಮಂಗಳೂರಿನ ಆರ್ ಜೆ ಎರೊಲ್ ಅವರು ತುಳುವಿನಲ್ಲಿ ಮಾತನಾಡಲು ವಿನಂತಿಸಿದ್ದಾರೆ.
IIFA ಅವಾರ್ಡ್ ನಲ್ಲಿ ಸುನಿಲ್ ಶೆಟ್ಟಿ, ಐಶ್ವರ್ಯ ರೈ ತುಳು ಮಾತು
ಮೊದಲು ಸುನಿಲ್ ಶೆಟ್ಟಿ ಅವರಲ್ಲಿ ವಿನಂತಿಸಿದಾಗ ತುಳುಟ್ ದಾದ ಪನ್ಪುನಿ, ಮಸ್ತ್ ಮೋಕೆ ಮಾತೇರ್ಡಲಾ ( ತುಳುವಿನಲ್ಲಿ ಏನು ಹೇಳುವುದು. ತುಂಬಾ ಪ್ರೀತಿ ಎಲ್ಲರಲ್ಲಿಯೂ) ಎಂದಿದ್ದಾರೆ. ಬಳಿಕ ಐಶ್ವರ್ಯ ರೈ ಅವರಲ್ಲಿ ತುಳುವಿನಲ್ಲಿ ಏನಾದರೂ ಮಾತಾಡಿ ಅಂದಾಗ " ನಮಸ್ಕಾರ, ಸೌಖ್ಯನ" ( ನಮಸ್ಕಾರ, ಸೌಖ್ಯವೆ?) ಎಂದಿದ್ದಾರೆ.