ಸಂತ ಅಲೋಶಿಯಸ್ ಈಜುಕೊಳಕ್ಕೆ ಟೋಕಿಯೊ ಒಲಿಂಪಿಕ್ಸ್ ಟೀಮ್ ಇಂಡಿಯಾ ಕೋಚ್ ಭೇಟಿ

ರಾಷ್ಟ್ರಮಟ್ಟದ ಈಜು ಚಾಂಪಿಯನ್‍ಶಿಪ್​​ನಲ್ಲಿ ರಾಜ್ಯದ ಈಜುಪಟುಗಳನ್ನು ಸಿದ್ಧಪಡಿಸುತ್ತಿದ್ದೇವೆ‌. ಈ ಮೂಲಕ ನಾವು ಹೆಚ್ಚಿನ ಪದಕಗಳನ್ನು ಪಡೆಯುವ ನಿರೀಕ್ಷೆಯಲ್ಲಿದ್ದೇವೆ ಎಂದು ಟೋಕಿಯೊ ಒಲಿಂಪಿಕ್ಸ್ ಟೀಮ್ ಇಂಡಿಯಾ ಕೋಚ್ ಹೇಳಿದ್ದಾರೆ.

ಮಂಗಳೂರು: ಟೋಕಿಯೊ ಒಲಿಂಪಿಕ್ಸ್ ಟೀಮ್ ಇಂಡಿಯಾ ಕೋಚ್, 'ದ್ರೋಣಾಚಾರ್ಯ' ಪುರಸ್ಕೃತ ನಿಹಾರ್ ಅಮೀನ್ ನಗರದ ಸಂತ ಅಲೋಶಿಯಸ್ ಈಜುಕೊಳಕ್ಕೆ ಭೇಟಿ ನೀಡಿದ್ದಾರೆ.

ಮಂಗಳೂರಿನಲ್ಲಿ ಉತ್ತಮ ಮೂಲಸೌಕರ್ಯಗಳ ಈಜುಕೊಳಗಳಿವೆ‌. ಇಲ್ಲಿ ಉತ್ತಮ ಈಜು ತರಬೇತುದಾರರಿದ್ದಾರೆ. ಇದೇ ಕಾರಣದಿಂದ ಸಂತ ಅಲೋಶಿಯಸ್ ಈಜುಕೊಳದಲ್ಲಿ ತರಬೇತು ಪಡೆದಿದ್ದ 7 ಮಕ್ಕಳು ರಾಜ್ಯಮಟ್ಟದಲ್ಲಿ 33 ಪದಕ ಗೆದ್ದಿದ್ದಾರೆ. ಈ ಮಕ್ಕಳಿಗೆ ಉತ್ತಮ ಭವಿಷ್ಯವಿದೆ ಎಂದರು.

ಅ.19ರಂದು ಬೆಂಗಳೂರಿನಲ್ಲಿ ನಡೆಯುವ ರಾಷ್ಟ್ರಮಟ್ಟದ ಈಜು ಚಾಂಪಿಯನ್‍ಶಿಪ್​​ನಲ್ಲಿ ರಾಜ್ಯದ ಈಜುಪಟುಗಳನ್ನು ಸಿದ್ಧಪಡಿಸುತ್ತಿದ್ದೇವೆ‌. ಈ ಮೂಲಕ ನಾವು ಹೆಚ್ಚಿನ ಪದಕಗಳನ್ನು ಪಡೆಯುವ ನಿರೀಕ್ಷೆಯಲ್ಲಿದ್ದೇವೆ ಎಂದು ಇದೇ ವೇಳೆ ನಿಹಾರ್ ಅಮೀನ್ ಹೇಳಿದರು.