ದೀಪಾವಳಿ ಹಬ್ಬಕ್ಕೆ ಬಟ್ಟೆ ಖರೀದಿ ಜೋರು.. ಜವಳಿ ಉದ್ಯಮಿಗಳ ಮೊಗದಲ್ಲಿ ನಗು

ಕೊರೊನಾ ಹಾವಳಿಯ ಬಳಿಕ ಜವಳಿ ಉದ್ಯಮ ತುಸು ಚೇತರಿಕೆ ಕಂಡಿದೆ. ವ್ಯಾಪಾರವಿಲ್ಲದೆ ವ್ಯಾಪಾರಿಗಳು ಕಂಗೆಟ್ಟಿದ್ದ ಉದ್ಯಮಿಗಳ ಮೊಗದಲ್ಲಿ ಮಂದಹಾಸ ಮೂಡಿದೆ..

ಮಂಗಳೂರು : ದೀಪಾವಳಿ ಹಬ್ಬದ ಸೀಸನ್​​ನಲ್ಲಿ ಹೊಸ ಬಟ್ಟೆ ಖರೀದಿಸುವವರ ಸಂಖ್ಯೆ ಹೆಚ್ಚಾಗಿದ್ದು, ಲಾಕ್​ಡೌನ್​ನಿಂದ ಸಂಕಷ್ಟಕ್ಕೆ ಸಿಲುಕಿದ್ದ ಜವಳಿ ಉದ್ಯಮಿಗಳ ಮೊಗದಲ್ಲಿ ತುಸು ನಗು ತರಿಸಿದೆ.

ಲಾಕ್​ಡೌನ್​ ಅವಧಿಯಲ್ಲಿ ಉಳಿದುಕೊಂಡಿದ್ದ ಬಟ್ಟೆಗಳಿರುವ ಕಾರಣ, ಹೊಸ ಸ್ಟಾಕ್​ ಅನ್ನು ಸ್ವಲ್ಪಮಟ್ಟಿಗೆ ತರಿಸಿಕೊಂಡಿದ್ದಾರೆ. ಹಬ್ಬದ ಸೀಸನ್​​ನಲ್ಲಿ ಬಟ್ಟೆಗಳ ಖರೀದಿ ಜೋರಾಗಿದ್ದು, ಮಾಲೀಕರು ಮತ್ತಷ್ಟು ಹೊಸ ಸ್ಟಾಕ್​ ತರಿಸಿಕೊಳ್ಳಲು ಹೆಚ್ಚು ಆಸಕ್ತಿ ತೋರುತ್ತಿದ್ದಾರೆ.

ಹಬ್ಬದ ವೇಳೆ ಜವಳಿ ಉದ್ಯಮ ತುಸು ಚೇತರಿಕೆ ಕಂಡಿದ್ದು, ಇದು ಮುಂದುವರಿಯುತ್ತದೆ ಎನ್ನುವ ವಿಶ್ವಾಸವು ಜವಳಿ ವ್ಯಾಪಾರಿಗಳಲ್ಲಿಲ್ಲ. ಕಳೆದ ವರ್ಷದ ಹಬ್ಬದ ಸೀಸನ್​​ಗೆ ಹೋಲಿಸಿದರೆ ಈ ಬಾರಿ ಶೇ.25ರಷ್ಟು ವ್ಯಾಪಾರ ನಡೆದಿದೆ ಎನ್ನುತ್ತಾರೆ ಮಂಗಳೂರಿನ ಜವಳಿ ಅಂಗಡಿ ಮಾಲೀಕ ಉಸ್ಮಾನ್.